Matius 19:5 - Taaz Weru Witu u Nunuwu'en Tombulu

⁵ Wo ni Sia kasii éng kimua in téntii, ‘Niitumo si tuama én tumula'u si ama' wo si ina'na wo mahwali-wali karia ni mahayona. Wo ni séra zua é nimaesamo.’

Matius 19:5 Iomraidhean Croise

Matius 19:6

Ni séra én zéi'mo zua taan nimaesamo. Niitumo sé tou pinaesamo ni Opo Empung én zéi'kan toro pata'san ni tou.”

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

1 Korintus 6:16

Kaapa zéi'kan kata'uan niou wé, sa si tuama simameko, un awakna é nimaesamo karia un awak ni wéwéné samek itii? Pahpaan méipantik witu um Pinantik Lenas, én téntii, “Un awak néra zua é maesa.”

1 Korintus 7:2

taan wo zéi'kan mangun u samek, tawimo si tuama ém wéwéhan mahayo, téntu kangkasii si wéwéné ém wéwéhan mahayo.

1 Korintus 7:4

Si wéwéné kinawéngo, un awakna én zéi'mo anuna in esa taan anumo ni mahayona, téntu kangkasii si tuama kimawéngo un awakna én zéi'mo anuna taan anumo ni mahayona.

Efesus 5:31

Witu um Pinantik Lenas é méipantik in téntii, “Niitumo si tuama én tumula'u si ama'na wo si ina'na wo maesa karia ni mahayona wo ni séra zua é maéndomokana esa awak.”