Matius 19:23 - Taaz Weru Witu u Nunuwu'en Tombulu

²³ Ang kuan ni Yesus wia sé pahtuzu'en-Na, “Uli-ulit ikua-Kuma wia ni kamu, totoz susa si tou wa'ilan i muntep witi Kakolanoan ni Opo Empung.

Matius 19:23 Iomraidhean Croise

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 19:22

Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Markus 10:23

A si Yesus mileka witu u makaliklik-Na wia sé pahtuzu'en-Na ang kumuama wia ni séra, “Totoz susa si tou wa'ilan i muntep witi Kakolanoan ni Opo Empung.”

Lukas 18:24

I nimilekla si tou itii én totoz rumara un até, ang kuan ni Yesus, “Totoz susa si tou wa'ilan i muntep witi Kakolanoan ni Opo Empung.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

1 Korintus 1:26

Katuari-katuari! Amoké genangen nioula, kura ung katou-touan niou in tinawah ni Opo Empung a maéndo tou-Na. In toro niitu, mengiit um pahgenangen né tou: sé tou tulap, sé mahkawasa wo sé tou ipahkua-kua é mena'sapé' sé wia ni kamu.

Yakobus 2:6

Taan sé tou zéi'kan siapa apa ém pinahséro'an niouola. Zéi'kankuaa sé tou wa'ilan sé mahzézéha wo nimahwali ni kamu witi penonotozan in ulit kaapa zéi'kan am pahwangunen né tou?