Matius 19:22 - Taaz Weru Witu u Nunuwu'en Tombulu

²² Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.

Matius 19:22 Iomraidhean Croise

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 14:9

I si Herodes timalingala um pahaléien ni raraha itii, un aténa é rumara. Taan pahpaan ni sia én timiwa'mola wia si raraha itii witu u sinaru né sakéina, ang kiitannala um pahaléien ni raraha itii.

Matius 16:26

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Matius 19:23

Ang kuan ni Yesus wia sé pahtuzu'en-Na, “Uli-ulit ikua-Kuma wia ni kamu, totoz susa si tou wa'ilan i muntep witi Kakolanoan ni Opo Empung.

Matius 6:24

Zéi'kan siapa si tou toro maayang wia sé zua tuang. Pahpaan sa téntu si esa é maikazi'zisna wo si walina én iraraaténa. Kaapa ni sia é mahtali-talinga wia si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Markus 10:22

Kaitalingamé u méikuamé itii, ni sia é nimatekura a mangé karia i rumara un até pahpaan ni sia én totoz wa'ilan.

Markus 6:26

Kaitalingamé niitu, un até ni Herodes é rumara. Taan, pahpaan ni sia én timiwa'mola wo sé sakéina kangkasii én timalingala un tiwa'na itii, niitumo ni sia én zéi'kan mata'u kumélong um pahaléyen itii.

Lukas 18:23

In timalingamé u méikuamé itii, un aténa én totoz rumara pahpaan ni sia én totoz wa'ilan.

Yohanes 16:20

Uli-ulit ikua-Kuma wia ni kamu: ni kamu é mamé' karia i mahkérét, taan sé tou wia ung kaayahan kenu é mahpaa-paaz. Un até niou é marumara taan u rumara un até niou é maéndo mahpaa-paaz.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.