Matius 18:9 - Taaz Weru Witu u Nunuwu'en Tombulu

⁹ Sa um werenmu u nimangunla ni ko mahsingkéla', suitela wo itia'la um werenmu itii. Pahpaan tawimo ko i menou-nou karia ni Opo Empung karia um weren esa uman, taan karia um weren zua ni ko mailombo' witu un api naraka.”

Matius 18:9 Iomraidhean Croise

Matius 16:26

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Matius 18:8

Sa u lengenmu kaapa un a'ému nimangun ni ko mahsingkéla', ketorenola wo itia'la. Pahpaan tawimo ni ko menou-nou karia ni Opo Empung karia u lengen kaapa un a'é pokol taan ni ko karia u lengen zua wo un a'é zua, mailombo' witu un api zéi'kan mahpaté.

Matius 19:17

A si Yesus mingkotla, “Kaa ko meligau tumoro u lé'os wia ni Aku? Akaz uman si Esa si lé'os. Taan sa ko paaz makailek ung katou-touan makaz ing kauré-uré, pahkiitela péléng am perénta ni Opo Empung.”

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Matius 5:29

Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Markus 9:47

Sa um werenmu mangunla ni ko mahsingkéla', suitenola um weren itii! Pahpaan tawimo ni ko muntepa witi Kakolanoan ni Opo Empung karia um weren kasaru uman, taan ni ko é makaweren un zua méiuntep umana witi naraka.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Ibrani 4:11

Niitumo, tawimo kita mahtututu'la i muntep witi tampa pahkanaan itii, wo zéi'kan siapa zozo' in esa si zéi'kan méikauntep witi tampa pahkanaan itii pahpaan mahkiit uman am pahwangunen né tou zéi'kan mahtali-talinga si Opo Empung.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.