Matius 18:15 - Taaz Weru Witu u Nunuwu'en Tombulu

¹⁵ Ang kuan kasii ni Yesus, “Sa si katuarimu sumingkéla'la, mengesama ko in tumawahmé ni sia wo séro'ennula. Sa sia paaz tumalinga a sésésamu, ni sia ém winangunmumola nimawurimé sumaup wia ni ko.

Matius 18:15 Iomraidhean Croise

Matius 18:14

Téntu kangkasii si Ama' niou witi kasendukan, kasoo-Na sa si esaané im wia sé koki' kenu ikalulu.”

Matius 18:21

A méyé si Petrus ang kumuama wia si Yesus, “Tuang, makaz makapira ni aku léwo'zéi' i méhé ampungan wia si katuariku, sa sia sumingkéla'la wia ni aku? Makaz i makapitu?”

Matius 18:35

Téntumo kangkasii um wangunen ni Ama'-Ku si witi kasendukan wia ni kamu. Ni kamu si esa wo si esa én ukumen-Na sa kamu zéi'kan uli-ulit méhéla ampungan wia si katuarimu.”

Roma 12:21

Ni kamu én tia'mo kinala a léwo'an, taan kalanola a léwo'an karia ung kalé'osan.

1 Korintus 8:12

Sa ko mangunla a singkéla' tanu niitu wia sé katuari ma'émano wo mangun ung genang weresi néra i rumara, ni ko é nimangunola u singkéla' wia si Kristus.

2 Korintus 7:12

Niitumo, ni aku i nimantik um pinantik méiwéhé wia ni kamu, zéi'kan pahpaan si tou simala', kaapa si tou zézéha pahpaan a sinala' itii. Ni aku i nimantik um pinantik itii, ung kalakoana ni kamu én toro mata'ula i ni kamu én uli-ulit mahwéhé genang wia ni kai witu u sinaru ni Opo Empung.

Galatia 6:1

Katuari-katuari, sa im wia ni kamu ém wéwéhan sé kinata'uan i mahmuali u singkéla', ni kamu sé mahkiit um paaz ni Roh Lenas é léwo'zéi' mahkit si tou itii witu u lalan kaulitan. Wangunela niitu karia in eluz uman wo mile-ilek én taa un toumu in esa ikakiit i mahsingkéla' tanu si tou itii.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

1 Tesalonika 4:6

Tumoro niitu, tia' si tou mahlé'os an zéi'kan wangun wia si katuarina esa pa'émanen kaapa mahtowo wia ni sia. Pahpaan totoz méipapagenang naimola wia ni kamu i sé tou mahwangun an téntu én ukumen ni Opo Empung.

2 Tesalonika 3:15

Taan, ni sia én tia' pahgenangen nioula ing kakoro'. Tawimo sia pahsésaan nioula ing katuarita esa pa'émanen.

Titus 3:10

Si tou mahkayo' sé jamaat, totoz i séro'ennula makasa kaapa makazua, taan sa sia soo tumalinga tia'mo mahkari-karia ni sia.

1 Petrus 3:1

Téntu kangkasii isésakuma wia ni kamu sé wéwéné makamahayo, ni kamu é léwo'zéi' i mahtali-talinga wia si mahayo niou si esa wo si esa. Karia in téntu, sa wéwéhan si mahayo zéi'kan ma'éman, maan ni séra zéi'kan nuwu'an nioula, ni séra é ma'éman u Nuwu' ni Opo Empung pahpaan i mahileka am pahwangunen niou.