Matius 17:21 - Taaz Weru Witu u Nunuwu'en Tombulu

²¹ Si sétang tanu ni sia én zéi'kan kawawaan niou i moho, sa kamu zéi'kan mengaléi wo mahpuasa.]”

Matius 17:21 Iomraidhean Croise

Matius 12:45

A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”

Matius 17:22

I si Yesus wo sé pahtuzu'en-Na nimaréwok witi Galilea, ang kuan ni Yesus wia ni séra, “Si Oki' ni Tou én iayo wia sé tou.

Markus 9:29

A séra wingkotela ni Yesus, “Si sétang tanu si kenu én toro uman iwoho karia i mengaléi.”

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 14:23

Sé zua aatu itii kasii én timotozla sé penatua witu un jamaat esa wo jamaat walina. Tumondong niitu, karia i mahpuasa wo mahmengaléi, sé penatua itii méiayola né aatu itii wia si Mahpiara si pa'émanen néra.

1 Korintus 7:5

Wia sé sana séndé', mahwangunla an toro uman pahwangunen né sana séndé'. Toro in zéi'kan mahwangun niana sa ni kamu zua nimaesaanola, taan tia'mo tahlous uré, wo kamu wéwéhan oras i mengaléi. Kumawusa niitu, ni kamu é mahwali-walila sumaup, wo si tonaas né sétang zéi'kan menou ni kamu, pahpaan ni kamu zéi'kan makaezen u lelo un awak niou.

2 Korintus 11:27

Ni aku én totoz ma'ulit wo mahtututu' i mahpaayang, makalakez in zéi'kan timekel, maharem wo maré'o, makalakez ing kinaapuan kanen, wo kasii mahpendan un zaté wo zéi'kan siapa karai sawelen.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.