Matius 16:8 - Taaz Weru Witu u Nunuwu'en Tombulu

⁸ Kata'uan ni Yesus um pahsiritan néra, a Sia kumuala, “É kamu in tou zéi'kan tahlous ma'éman! Kaa kamu maza'i uman taré tumoro un zéi'kan nimahalimé roti?

Matius 16:8 Iomraidhean Croise

Matius 14:31

A si Yesus rengan i mayola u lengen-Na an tumioné si Petrus, ang kuan-Na, “É tou zéi'kan tahlous ma'éman, kaa ko mahzua-zua genang?”

Matius 16:7

Kaitalingamé u méikuamé ni Yesus, a séra makagena-genangla a mahkuaala, “Niitu méikua-Namé pahpaan ni kita én zéi'kan nimahalimé roti.”

Matius 6:30

Niitumo, sa an zukut witi kapelasan an tumoumé in tarékan wo i sando én ziketano ém pahimeken ni Opo Empung, zéi'kankuaa si Opo Empung é mimek ni kamu lumouspé'mé niitu, é kamu sé zéi'kan tahlous ma'éman?

Matius 8:26

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Yohanes 16:30

In tarékan kata'uan naimo i si Méster é mata'umo péléng am péléng wo sé tou én zéi'mo totoz meligau wia si Méster. Niitumo ni kai é ma'éman i si Méster ém wia si Opo Empung a méyé.”

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.