Matius 16:3 - Taaz Weru Witu u Nunuwu'en Tombulu

³ Wo im woondo, ileken nioua u langit é rimangdang a marimbengbenga, kuan niouo: In tarékan é muzan. Ni kamu é mata'u i mahtotoz un endo taan ni kamu én zéi'kan mata'u tumotoz am pahwangunen ni Opo Empung in tarékan.

Matius 16:3 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 15:7

É kamu in tou mahgau-gau lé'os! Ulito u méikua ni Opo Empung tumoro ni kamu mengiité si nabi Yesaya in téntii,

Matius 22:18

Taan kata'uan ni Yesus ung kaléwo'an néra, ang kumuama, “É tou mahgau-gau lé'os, kaa kamu mema'wa' ni Aku?

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 7:5

É tou mahgau-gau lé'os! Éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.

Lukas 11:44

Ikaléwo'mo ni kamu! Pahpaan ni kamu én tanu a lelewengan zéi'kan tinandaan, sé tou memuri-muri witu én zéi'kan mata'u sa niitu é lelewengan.”

Lukas 12:56

É kamu in tou mahgau-gau lé'os! A mahmuali wia ung kaayahan wo witi langit én toro kata'uan niou ung kalakoana. Kaa zéi'kan kata'uan niou ung kalakoan a mahmuali in tarékan am pahpaayangen ni Opo Empung?”

Lukas 13:15

Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou.

Ibrani 5:14

Taan sé tou mahnanaram un tou néra i mahtotoz wisa u lé'os wo wisa u léwo', ni séra én tanu sé tou tu'amo sé mahkan ang kakanen ketéh.