Matius 16:21 - Taaz Weru Witu u Nunuwu'en Tombulu

²¹ Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 16:21 Iomraidhean Croise

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 16:22

Taan si Yesus éng kinéhonga ni Petrus rimuruhla a Sia totoz i séro'ennala, kuana, “Tuang, mengalé-ngaléi uman un téntu én izou'ma ni Opo Empung! Un téntu én zéi'kan mahmua-mualila wia ni Ko.”

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 17:12

Wo ikua-Kuma wia ni kamu: Si Elia é niméyémoma, taan sé tou én zéi'kan makana'u ni sia wo ni sia ém pahwangunan néra kiit um paaz néra. Téntumo kangkasii si Oki' ni Tou é mazézéhan néra.”

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 27:12

Taan i sé tonaas né walian wo sé pahtutu'an né tou Yahudi mahkua an totoké néra wia si Yesus, ni Sia én zéi'kan nimingkotla.

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Matius 28:6

Ni Sia én zéi'mo wia'i pahpaan ni Sia é méitoumomé sumaup ni Opo Empung tanu u mémoikua-Nala. Méyé wia'i wo ilekené u zinetaan ni Sia.

Markus 8:31

A si Yesus rengan i mahtuzu' wia sé pahtuzu'en-Na i si Oki' ni Tou é léwo'zéi' i mazéha wo kasoo né pahtutu'an né tou Yahudi, né tonaas né walian wo né tou tulap un Torat, wo sé tou é munu' ni Sia, taan ni Sia é matou sumaup witu un endo katelu.

Markus 9:12

A si Yesus mingkotla, “Totoz ulit. Si Elia é mapuunamé i mémimek péléng am péléng. Taan kura un tumoro si Oki' ni Tou? Kaa un tumoro ni Sia é méipantik i lakez an zézéha wo mapahséro'an né tou?

Lukas 17:25

Taan puunala niana, ni Sia é léwo'zéi' mamasaan an zézéha totoz lakez wo ni Sia éng kasoo né tou in tarékan.

Lukas 24:46

Kuan-Na wia ni séra, “Wéwéhan u méipantik téntii: Si Mesias én totoz mazézéha wo matou sumaup im wia sé nimaté witu un endo katelu.

Lukas 9:31

Sé zua itii i nimapailek un tou néra é mahsena', u sena' ni Opo Empung. Ni séra é mahsirita tumoro un oras ni Yesus i maté, u mamuali witi Yerusalem.