Matius 16:19 - Taaz Weru Witu u Nunuwu'en Tombulu

¹⁹ Ni ko ém wéhang-Ku ung kawasa i mahimek sé tou-Ku tanumokan in timion ung kusi' witi Kakolanoan ni Opo Empung. A sinéro'mu im wia ung kaayahan ni- itu kangkasii é sinéro' im witi kasendukan, wo ang kinuamu in ulit im wia ung kaayahan niitu kangkasii én ulit im witi kasendukan.”

Matius 16:19 Iomraidhean Croise

Matius 18:18

Uli-ulit ikua-Kuma wia ni kamu: Apa a sinéro' niou im wia ung kaayahan, niitu kangkasii é sinéro' im witi kasendukan. Wo apa ang kuan nioula in ulit im wia ung kaayahan, niitu kangkasii én ulit im witi kasendukan.

Yohanes 20:23

Sa ni kamu mahwéhé un ampungan wana a singkéla' ni tou, u siningkéla'na ém winéhan ampungan ni Opo Empung, wo sa ni kamu zéi'kan mahwéhé un ampungan wana a singkéla' ni tou, u singkéla'na kangkasii én zéi'kan ampungan ni Opo Empung.”

Kisah Rasul-rasul 15:7

Ni séra én uré i simirita tumoro um pahzéi-zéi'an itii. Tumondong niitu, rumendaié si Petrus ang kumua wia ni séra, “É katuari-katuari, kata'uan niouo rengané ing kataré-taré, ni aku ém pinéléng ni Opo Empung im wia ni kamu, i mahwoka' u Nuwu' Lé'os tumoro si Yesus wia sé tou zéi'kan Yahudi, wo ni séra tumalinga wo ma'éman niitu.

2 Korintus 2:10

Pahpaan, sa ang kasumalaan ni tou én niampungan nioula, ni aku kangkasii é méhé un ampungan wana ang kasumalaan ni tou itii, sa uli-ulit im wéwéhan un totoz ampungangku wia si tou itii. Pahpaan ung kawangunan niou witu u sinaru ni Kristus, ni aku méhé un ampungan wana ang kasumalaanna.

1 Tesalonika 4:8

Niitumo, séi sé soo an tutuzu' kenu, ni sia én zéi'kan soo an tutuzu' ni tou, taan ni sia é soo si Opo Empung si niméhémomé si Roh Lenas wia ni kamu.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 11:6

Ni séra ém wéhan ung kawasa i mapé' u langit wo zéi'kan mahuza-uzané, karegas séra i mahkua a méikuamé ni Opo Empung. Ni séra kangkasii ém wéhan ung kawasa i mangun péléng an zano maéndo zaha' wo i mukum ung kaayahan karia a meléwo' makaindé'en nimahwali-walinaan, sekez séra im paaz mangun niitu.

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.

Wahyu 9:1

A si malaekat kalima sumengoma um pontuangna, ilekengkuma si tototi'en nimaragosé witi langit timoromé ung kaayahan. Wia si tototi'en itii ém winéhan ung kusi' um woso um patéan.