Matius 16:16 - Taaz Weru Witu u Nunuwu'en Tombulu

¹⁶ A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 16:16 Iomraidhean Croise

Matius 1:16

Si Yakub makaoki'mé si Yusuf si nimaéndola mahayo ni Maria. Si Maria timoumé si Yesus, si pahkuan kangkasii ing Kristus.

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 16:15

A si Yesus meligau sumaup wia ni séra, “Taan sa kamu, ni Aku é séi?”

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Markus 14:61

Taan si Yesus é memene-menes uman, ni Sia én zéi'kan nimingkotla apa. A si Walian Wangko' itii lumigau kasiila wia si Yesus, “Apa ni Ko é Mesias, si Oki' ni Opo Empung, Si Pahloozen?”

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 11:27

Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 6:57

Si Ama', si nimangun sé tou i menou-nou, nimatumé ni Aku wo ni Aku menou-nou pahpaan si Ama'. Téntu kangkasii, séi uman si kuman un awak-Ku, si tou itii é mamenou-nou pahpaan ni Aku.

Yohanes 6:68

Wingkotela ni Simon Petrus wia ni Sia, “Tuang, séipé' si angéan nai? U nuwu'-Mu é mahwéhémé ung katou-touan makaz ing kauré-uré;

Yohanes 6:69

wo ni kai é ma'émano wo mata'u i ni Komo Si Lenas wia si Opo Empung a méyé.”

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

Kisah Rasul-rasul 8:36

I ni séra karegas mahlampang karia ung keréta, a séra ikaayola witu un tampa wéwéhan un zano. Kuan ni tonaas itii wia si Filipus, “Amoké ilekena, um witu ém wéwéhan un zano! Toromo aku i saranin in tarékan?” [

Kisah Rasul-rasul 8:37

A mingkotla si Filipus, “Sa si Tuang uli-ulit ma'éman, toro.” A mingkotla si tonaas itii, “Ni aku én uli-ulit ma'éman i si Yesus Kristus itii én Oki' ni Opo Empung.”]

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.

2 Korintus 1:19

Pahpaan, si Yesus Kristus, si Oki' ni Opo Empung si méipahwoka'ku karia ni Silwanus wo ni Timotius wia ni kamu én zéi'kan mahkua ‘éné’ wo witu ung ginenang én ‘zéi'kan’. Taan im wia ni Sia én akaz uman mahkua ‘éné’.

2 Korintus 3:3

Ung katou-touan niou am wangun itii ém wua'na am pinaayang nai, un tanumokan pinantik ni Kristus. I nimantik niitu én zéi'kan karia un tinta, taan karia ni Roh ni Opo Empung si menou-nou. Zéi'kan méipantik wana am watu taan witu un até né tou.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

1 Timutius 4:10

Pahpaano niitu ni kita mahtututu' wo ma'ulit i mahpaayang, pahpaan ni kita niméré' uman wia si Opo Empung si Menou-nou, si nimilot péléng sé tou im witu un ukuman wana a singkéla', sé pahpuu-puuna é sé tou ma'éman wia ni Sia.

Ibrani 10:31

Totoz makaindé'en sa kita ukumen ni Opo Empung si menou-nou.

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

1 Yohanes 4:15

Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

1 Yohanes 5:5

Séi si kumala a léwo' wia ung kaayahan kenu, sa zéi'kan ni sia si ma'éman i si Yesus én Oki' ni Opo Empung?

Wahyu 7:2

An ilekengkuma si esa malaekat walina nimondolé witi pahondolané ni endo. Si malaekat itii é mahali-ali un ipahtanda anu ni Opo Empung si menou-nou. A si malaekat itii kuméréta wia sé malaekat epat sé winéhano ung kawasa i luméwo' un tana' wo un tasik,