Matius 16:1 - Taaz Weru Witu u Nunuwu'en Tombulu

¹ A méyé sé sana réwok tou Farisi wo Saduki wia si Yesus i mema'wa' ni Sia. Ni séra mahaléi wia ni Sia i mapa- ileké un toro tumuzu'mé wia ni séra, sa ni Sia én ulit wia si Opo Empung a méyé.

Matius 16:1 Iomraidhean Croise

Matius 12:14

A mondola sé sana réwok tou Farisi itii a mahesaala i munu' ni Sia.

Matius 15:1

A sé woopira im wia sé sana réwok tou Farisi wo sé tou tulap un Torat sé witi Yerusalem a méyé, mangé wia si Yesus ang kumuama,

Matius 16:6

Kuan ni Yesus wia ni séra, “Tuméga-tégam wo mile-ilek im wana a ragi né sana réwok tou Farisi wo Saduki.”

Matius 19:3

A méyé wia si Yesus sé woopira tou im wia sé sana réwok tou Farisi. Ni séra meligau i mema'wa' ni Sia, kuan néra, “Mengiit an tinotoz witu um pa'émanenta, toro wé si tuama kimawéngo in tuma'sala si mahayona karia apa uman ung kinawalian?”

Matius 22:15

A sé sana réwok tou Farisi mangé i mameruz kura i mahwewetes si Yesus karia u liligau.

Matius 22:18

Taan kata'uan ni Yesus ung kaléwo'an néra, ang kumuama, “É tou mahgau-gau lé'os, kaa kamu mema'wa' ni Aku?

Matius 22:23

In endo itiikan, a méyé wia si Yesus sé woopira tou im wia sé sana réwok tou Saduki, sé mahéndo-éndoan sa si tou nimatémo én zéi'mo itou sumaup. Ni séra meligau wia ni Sia,

Matius 23:2

“Sé tou tulap un Torat wo sé sana réwok tou Farisi é mahtuzu' an tinotoz witu un ukum Torat wia sé tou tanumokan i rimumez witu u rurumezan ni Musa.

Matius 27:62

Masandomé, in endo Sabat, a maréwokla sé tonaas né walian wo sé sana réwok tou Farisi masimaru wia si Pilatus,

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Matius 9:11

I sé sana réwok tou Farisi nimilekla niitu, ang kuan néra wia sé pahtuzu'en ni Yesus, “Kaa si Méster niou é mahkan karia né menanagi am pajak wo né tou mahsingkéla'?”

Markus 10:2

A sé woopira tou wia sé sana réwok tou Farisi méyé i mema'wa' si Yesus. Ni séra meligau wia ni Sia, “Mengiit an tinotoz witu um pa'émanenta, toro wé si tuama kimawéngo in tuma'sa si mahayona?”

Markus 12:15

Taan kata'uan ni Yesus i ni séra é mahgau-gau lé'os. Ang kuan-Na wia ni séra, “Kaa kamu mema'wa' ni Aku? Pahaliné wia ni Aku un zoit esa dinar wo toro ilekeng-Ku!”

Markus 12:18

A méyé wia si Yesus sé woopira im wia sé sana réwok tou Saduki, sé makahkukuan sa si tou nimatémo én zéi'mo itou sumaup. Ni séra meligau wia si Yesus,

Lukas 10:25

Makasamé, wéwéhan si tou tulap un Torat rimendaié i mahwawa'wa' si Yesus, kuana, “Méster, apa u léwo'zéi' wangunengku i makailek ung katou-touan makaz ing kauré-uré?”

Lukas 11:16

Sé walina é mema'wa' si Yesus. Ni séra é mahaléi wia si Yesus i manguné u makakompo'en un tumuzu'mé wia ni séra ung kawasa ni Yesus én ulit méiwéhé ni Opo Empung.

Lukas 20:23

Taan kata'uan ni Yesus ung genang léwo' witu um peligauen néra, ang kumua wia ni séra,

Lukas 20:27

A méyé wia si Yesus sé woopira tou im wia sé sana réwok tou Saduki sé zéi'kan ma'éman tumoro si tou nimatémo én itou sumaup. Ni séra meligau wia ni Sia,

Yohanes 8:6

Ni séra kimua niitu i mema'wa' ni Sia, wo séra toro mapahsasala' ni Sia. Taan si Yesus nimongkot umanla a mantik witu un tana' karia un tutundu'-Na.

Kisah Rasul-rasul 4:1

Karegas si Petrus wo si Yohanes mahnuwu' wia sé tou lakez, a méyé sé walian, si tonaas né mahtéiz um Walé ni Opo Empung wo sé tou wia sé sana réwok tou Saduki.

Kisah Rasul-rasul 5:17

Ing kamurian, si Walian Wangko' wo sé sana réwok tou Saduki sé mahkii-kiit ni sia, timotozla in zumézéha sé aatu ni Yesus pahpaan ni séra én totoz menéutéu sé aatu itii.

1 Korintus 1:22

Sé tou Yahudi sa zéi'kampé' nimilek u makakompo'en ni séra én zéi'kan ma'éman, wo sé tou Yunani én zéi'kan ma'éman sa zéi'kan pinapata'uan mengiit ung katulapan né tou.