Matius 15:1 - Taaz Weru Witu u Nunuwu'en Tombulu

¹ A sé woopira im wia sé sana réwok tou Farisi wo sé tou tulap un Torat sé witi Yerusalem a méyé, mangé wia si Yesus ang kumuama,

Matius 15:1 Iomraidhean Croise

Matius 23:2

“Sé tou tulap un Torat wo sé sana réwok tou Farisi é mahtuzu' an tinotoz witu un ukum Torat wia sé tou tanumokan i rimumez witu u rurumezan ni Musa.

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Markus 3:22

Sé tou tulap un Torat sé witi Yerusalem a méyé é mahkua, “Ni Sia é sinelazan ni Beelzebul! Karia ung kawasa ni tonaas né sétang ni Sia mahwoho sé sétang.”

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Lukas 5:21

Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Kisah Rasul-rasul 23:9

A séra mahzéi-zéi'an makaz i nimarikoka'ma. Sé woopira tou tulap un Torat im wia sé sana réwok tou Farisi é nimangé witi puuna a mahkelung si Paulus kuan néra, “Sa ikiit ni kai, si tou kenu én zéi'kan siapa sinala'! Séi si mata'u sa wéwéhan si roh kaapa malaekat nimuwu'moma wia ni sia.”

Kisah Rasul-rasul 25:7

I si Paulus méikaayomola witu, péléng sé tou Yahudi sé witi Yerusalem a méyé é rimendai limiklik ni sia. Lakez an ipahtoké néra wia si Paulus i mahwuwutez ni sia, taan ni séra én zéi'kan makawawa i mapailek sa an ipahtoké néra itii én ulit.