Matius 14:25 - Taaz Weru Witu u Nunuwu'en Tombulu

²⁵ Im woo jam katelu i maayah, si Yesus méyé wia ni séra mahlampangé witu um wawo un zano.

Matius 14:25 Iomraidhean Croise

Matius 24:43

Taan gena-genangen ang kenu: sa kata'uano ni makawalé um wengi si maremu' i mérumemu', tantumo ni sia én timégamo makaz um waléna zéi'kan untepen ni maremu'.

Markus 13:35

Téntu kangkasii ni kamu é léwo'zéi' in tuméga-tégam pahpaan zéi'kan kata'uan niou sawisa si makawalé i mawurimé. Ni sia ém woo mawurimé im wengindo, wengi uré, maayah kaapa im woondo.

Markus 6:48

Im pahilekena ni Yesus sé pahtuzu'en-Na én zéi'mo makawawa i mahpanggayu u londéi pahpaan mahsungkul u reges, niitumo im woo jam katelu i maayah, si Yesus méyé wia ni séra mahlampangé witu um wawo un zano wo mahlalangkoi uman im wia ni séra.

Lukas 12:38

Sa si tuang itii mawiamé im wengi uré kaapa i mamomaayah, a méilekenna sé atana én timégam i ma'ento' ni sia, sé ata itii kasii é mahpaa-paaz.

Yohanes 6:19

Im woo lima kaapa enemna kilométer ung kazou'na um pinanggayuan néra, an ileken nérama si Yesus mahlampangé witu um wawo un zano mahrétémé u londéi sinakéan néra. Ni séra én totoz maindé'.

Wahyu 10:2

Witu u lengenna ém wéwéhan ung kitap kori' ginulung, u nimawukamo. Un a'éna kakan é liméék witu um wawo un tasik wo un a'éna kawihi é liméék witu um wawo un tana'.

Wahyu 10:5

Kumawusa niitu, si malaekat niilekku si rimendai witu um wawo un tasik wo witu um wawo un tana', nimayata u lengenna kakan witi langit,

Wahyu 10:8

An talingangkumé um witi kasendukan éng kimua kasiimé wia ni aku, kuana, “Mangémo, ma'éndoné ung kitap ginulung u nimawukamo, um witu u lengen ni malaekat rimendai witu um wawo un tasik wo witu um wawo un tana' itii.”