Matius 13:51 - Taaz Weru Witu u Nunuwu'en Tombulu

⁵¹ A si Yesus meligau wia sé pahtuzu'en-Na, “Katulapan nioukan péléng an aandéan méipahtuzu'-Kuma wia ni kamu?” A sé pahtuzu'en-Na mingkotla, “Éné Méster, katulapan naimo.”

Matius 13:51 Iomraidhean Croise

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Matius 13:19

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Matius 13:50

Sé tou léwo' é mailombo' witu un tampa mahlayas. Im witu ni séra é mamé' makaz am waang néra karékétokan.”

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 15:17

Zéi'kan kata'uan niou wé sa péléng a muntepa witu u sumah é meméhé-méhéma umana witu um poot wo tumondongla niitu é maitia' witi muri?

Matius 16:11

In tarékan, kaa kamu zéi'kan makatulap sa u méikua-Ku ing kataré én zéi'kan tumoro u roti? Mile-ilek im wana a ragi né sana réwok tou Farisi wo Saduki!”

Matius 24:15

Ang kuan kasii ni Yesus, “Ni kamu é milek si tou totoz léwo' si meléléwo' am péléng, makarendai witu un tampa lenas, mengiit u méikua ni nabi Daniel. (Si macama ang kenu é méhéla genang witu ung kalakoana).

Markus 4:34

wo sa zéi'kan karia un aandéan, ni Sia zéi'kan mahtuzu' wia ni séra. Taan wia sé pahtuzu'en-Na, pahpakaulit-Na i mahtuzu'.

Markus 7:18

A Sia mingkotla, “Maan ni kamu én zéi'kan makatulap niitu? Zéi'kan kata'uan niou wé, sa apa uman a mahuntepa witu u sumah ni tou én zéi'kan mahwangun si tou i makati'tiren,

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.