Matius 13:44 - Taaz Weru Witu u Nunuwu'en Tombulu

⁴⁴ Ang kuan kasii ni Yesus, “Ung Kakolanoan ni Opo Empung én tanu a sangkum u méiwuni witi uma, ung kinailekané ni tou a maiwuninamé sumaup. Pahpaan u mahpaa-paazna, a maipakawangkérnamé a sangkumna, a sia tumelesla un uma itii.

Matius 13:44 Iomraidhean Croise

Matius 13:24

A si Yesus kumua un aandéan walina kasii wia ni séra, kuan-Na, “Ung Kakolanoan ni Opo Empung én tanu si tou kimeroz am watuna tatanemen wangun witi umana.

Matius 13:46

Ing kinailekannamola u mutiara totoz wangun wo mahal itii, am pakawangkérnamé péléng a sangkumna an itelesla u mutiara itii.”

Matius 13:47

Ang kuan kasii ni Yesus wia sé pahtuzu'en-Na, “Téntu kangkasii ung Kakolanoan ni Opo Empung én tanu u lolombo' tua'na méilombo'ma né melolombo' witi tasik, an ikaéndomé sé seza' nimahwali-walinaan.

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Matius 19:27

Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko, apa u makailekan nai?”

Matius 19:29

Séi uman si pahpaan mahkiit ni Aku timula'umé um waléna, sé katuarina tuama kaapa sé katuarina wéwéné, si ama'na kaapa si ina'na, sé oki'na kaapa an umana, ni sia é makailek sumaup u makasana atusé wo kasii makailek ung katou-touan makaz ing kauré-uré.

Matius 6:21

Pahpaan wisa a sangkum niou, ung genang niou kasii ém witu.”

Lukas 14:33

Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”

Yohanes 6:35

Kuan ni Yesus wia ni séra, “Ni Aku kenumo u roti mahwéhé ung katou-touan. Séi uman si méyé wia ni Aku én zéi'mo mahpenda-pendanla u maharem. Wo séi uman si ma'éman ni Aku én zéi'mo mahpenda-pendanla u maré'o.

Roma 15:4

Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.