Matius 13:34 - Taaz Weru Witu u Nunuwu'en Tombulu

³⁴ Péléng niana én ipahtuzu' ni Yesus wia sé tou lakez karia an aandéan. Ni Sia én zéi'kan mahtuzu' wia sé tou sa zéi'kan karia un aandéan.

Matius 13:34 Iomraidhean Croise

Matius 13:13

Ni- itumo ni Aku i mahtuzu' ni séra éng karia an aandéan, pahpaan zozo' ni séra mahilek taan ni séra zéi'kan makana'u, wo zozo' ni séra mahtalinga taan ni séra zéi'kan makatalinga wo zéi'kan makatulap.

Matius 13:3

A Sia kumua an tutuzu' lakez karia un aandéan wia ni séra, kuan-Na, “Wéwéhan si mengengeroz makimeroz am watuna tatanemen.

Yohanes 10:6

Si Yesus éng kimua u aandéan kenu wia sé sana réwok tou Farisi itii, taan zéi'kan katulapan néra apa un ipahkukua-Na wia ni séra.

Yohanes 16:25

Niia péléng én ikua-Kuma wia ni kamu karia un aandéan. Un orasna é méyé, i ni Aku zéi'mo mahkuama wia ni kamu karia u aandéan, taan makaulit wia ni kamu i mahkua tumoro si Ama'.

Yohanes 16:29

Ang kuan né pahtuzu'en-Na wia ni Sia, “Méster, in tarékan si Méster é makaulit i mahnuwu' wia ni kai wo zéi'mo mahkua karia u aandéan.