Matius 13:3 - Taaz Weru Witu u Nunuwu'en Tombulu

³ A Sia kumua an tutuzu' lakez karia un aandéan wia ni séra, kuan-Na, “Wéwéhan si mengengeroz makimeroz am watuna tatanemen.

Matius 13:3 Iomraidhean Croise

Matius 13:4

Karegas sia i mahkeroz, wéwéhan am watuna tatanemen méikagogoma witu un tembir u lalan. A méyé sé tumétéwél mékimulat am watuna tatanemen itii makaz nimaapu.

Matius 13:53

Makasiritala an aandéan itii, a si Yesus tumula'umé un tampa itii.

Matius 22:1

Ang kuan kasii ni Yesus wia ni séra karia un aandéan,

Matius 24:32

Ang kuan ni Yesus wia sé pahtuzu'en-Na, “Mahtata'ula witu ung kalakoan un aandéan tumoro ung kai ara. Sa am pangana rintek é mahmata'moma wo mahsuzumomé, kata'uan niou sa un oras i raazen é lelezo.

Markus 12:1

A si Yesus rengan i numuwu'ma wia sé tonaas né walian, sé tou tulap un Torat wo sé pahtutu'an karia un aandéan, kuan-Na, “Wéwéhan si tou nimukama un uma an tanemannama anggor an réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma. An ipekiwendunama un umana itii wia sé mememendu, a sia suméngkota.

Markus 12:12

Kaitalingamé niitu, a séra mahtututu' i mahtition si Yesus, pahpaan kata'uan néramo sa sé paza'i-Nala witu un aandéan itii é ni séra. Taan ni séra é maindé' wia sé tou lakez, niitumo ni Sia é méiwaya néramé, a séra mangé.

Markus 3:23

Si Yesus tumawahma ni séra, a numuwu'ma wia ni séra karia un aandéan, “Kura kahuman si tonaas né sétang toro moho si sétang?

Markus 4:13

Ang kumuala si Yesus wia sé pahtuzu'en-Na wo wia sé tou kimiité ni Sia, “Zéi'kan katulapan niou wé un aandéan itii? Sa téntu, kura kamu i makatulap an aandéan walina?

Markus 4:33

Lakez an aandéan tanu niitu, am pahpakén ni Yesus i mahtuzu' u Nuwu' ni Opo Empung wia ni séra mengiit un toro makatulapan néra,

Lukas 12:41

A si Petrus meligau wia si Yesus, “Tuang, apa un aandéan itii én tumoro ni kai kaapa tumoro péléng sé tou?”

Lukas 8:10

Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Yohanes 16:25

Niia péléng én ikua-Kuma wia ni kamu karia un aandéan. Un orasna é méyé, i ni Aku zéi'mo mahkuama wia ni kamu karia u aandéan, taan makaulit wia ni kamu i mahkua tumoro si Ama'.