Matius 13:2 - Taaz Weru Witu u Nunuwu'en Tombulu

² A mahtotondongané sé tou lakez méyé limiklik wia ni Sia, a Sia masumaké witu u londéi a rumumezla witu. Sé tou lakez é rimendai witu un tembir u louz.

Matius 13:2 Iomraidhean Croise

Matius 15:30

A sé tou lakez mahto-tondongané i niméyé wia ni Sia, nimahwalimé sé lailai, sé letok, sé kénto', sé wowo' wo lakezpé' kasii sé walina, a séra izeta' nérala witu u sinaru un a'é ni Yesus a séra péléng lé'osen-Nama.

Matius 4:25

A sé tou lakez mahto-tondongana i mahkiit ni Sia. Ni séra ém witi Galilea, witi Dekapolis, witi Yerusalem, witi Yudea, wo witi leweta u so'so'an Yordan a méyé.

Markus 4:1

Makasamé, si Yesus é mahtuzu' kasii witi tembir u louz Galilea. A méyé sé tou totoz lakez nimaréwoké wia ni Sia. Niitumo ni Sia simakéma witu u londéi u simuwa' witu un tembir u louz a rumumezla witu wo sé tou lakez itii ém witi katanaan, witu un tembir u louz.

Lukas 5:3

A si Yesus sumakéla witu u londéi. U londéi itii anu ni Simon. Ikua-Nala wia si Simon u londéi sinakéan-Na in izou'ma oki' im witu un tembir u louz. Sia rumumezla witu londéi itii a mahtuzu' sé tou lakez.