Matius 13:19 - Taaz Weru Witu u Nunuwu'en Tombulu

¹⁹ Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Matius 13:19 Iomraidhean Croise

Matius 12:26

Téntu kangkasii sa sé sétang witi kakolanoan ni tonaas né sétang makahkoro', ni séra é makayo'.

Matius 13:20

Am watuna tatanemen méikagogo witu un tana' watu-watun é sé tou sé timalinga u Nuwu' itii a rengan i sumungkul niitu karia i mahpaa-paaz.

Matius 13:38

Un uma itii éng kaayahan. Am watuna tatanemen wangun é sé tou witi Kakolanoan ni Opo Empung. Taan an tatanemen tanu ang gandum é sé tou ni tonaas né sétang.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 5:37

Sa éné éng kumuala éné, sa zéi'kan éng kumuala zéi'kan. Taan a lumouspé'mé niitu ém wia si tonaas né sétang a méyé.”

Markus 4:15

Am watuna tatanemen méikagogo witi lalan é masuat wo sé tou timalingama u Nuwu' ni Opo Empung, a méyé si tonaas né sétang a rengan méndoma u Nuwu' un taré talinga nérama.

Lukas 10:9

Lé'osela sé tou saki sé witu um wanua tua'na itii, wo ikuala wia sé tou witu, ‘Ung Kakolanoan ni Opo Empung é lelezokan im wia ni kamu.’

Lukas 9:2

Sé pahtuzu'en-Na é méiatu-Na mahwoka' wia sé tou tumoro ung Kakolanoan ni Opo Empung wo i lumé'os sé tou im wana a saki néra.

Yohanes 18:38

Ang kuan ni Pilatus wia ni Sia, “Apa wé ung kaulitan itii?” I nimakakuamola niitu, si Pilatus nimondola i mahilekan karia né tou Yahudi a mahkua wia ni séra, “Zéi'kan siapa zozo' in esa ung kasumalaan kinailekangku wia ni Sia.

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Kisah Rasul-rasul 17:32

I ni séra timalinga tumoro si tou nimatémo én toro itou sumaup, si Paulus én ipahké'ké' né woopira tou im wia ni séra. Sé walina é mahkua wia ni sia, “Woo sawisamokan taré ni kai tumalinga tanu an ipahkuamumé ing kataré.”

Kisah Rasul-rasul 18:15

Taan ang kenu, ni kamu é mahéndo-éndoan tumoro un ipahkua kaapa u ngaran kaapa un ukum um pa'émanen pahkiiten niou. Niitumo ni kamumo sé sumampetla um pahéndo-éndoan niou itii, ni aku é soo tumotoz am pahéndo-éndoan tanu niitu.”

Kisah Rasul-rasul 20:25

In tarékan kata'uangku i ni kamu péléng sé niéyéangkumoma i mahwoka'ma ung Kakolanoan ni Opo Empung én zéi'mo mahile-ilekala kariaku.

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 2:8

Taan sé tou mahgenang uman un touna in esa wo zéi'kan mahkiit ung kaulitan taan mahkiit uman a léwo'an, ni séra én totoz ikaupi' ni Opo Empung.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

2 Tesalonika 2:12

Si Opo Empung nimangun niitu, wo péléng sé tou sé zéi'kan ma'éman an tutuzu' ulit tumoro si Yesus wo paaz a léwo'an én ukumen.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

1 Yohanes 3:12

Zéi'kan tanu si Kain si wia si léwo' a méyé a munu'la si tuarina. Kaa sia winunu'na? Pahpaan péléng am pahmualinna é léwo' wo am pahmualin ni tuarina én ulit.

1 Yohanes 5:18

Kata'uanta im péléng sé tou sé nimaéndomo oki' ni Opo Empung én zéi'mo mahwangun a singkéla'. Pahpaan si Oki' ni Opo Empung én timéiz ni sia wo si tonaas né sétang én zéi'kan mata'u kumura im wia ni sia.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.