Matius 12:46 - Taaz Weru Witu u Nunuwu'en Tombulu

⁴⁶ I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Matius 12:46 Iomraidhean Croise

Matius 1:18

U sirita tumoro si Yesus Kristus i nimatou én téntii: I si Maria, si ina'-Na tinotozo ing kumawéng karia ni Yusuf, puunala séra menou-nou i sana séndé', si Roh Lenas nimangunola si Maria i mahawa-awak.

Matius 12:47

Am wéwéhan si tou kumuala wia si Yesus, “Ilekena, si ina' wo sé katuari-Mu ém witi lésaz wo mahtututu' i mahilekan karia-Mu.”

Matius 13:55

Zéi'kankuaa ni Sia én oki' ni bas kai? Zéi'kankuaa si ina'-Na é makangaran Maria, wo sé katuarina é si Yakobus, si Yusuf, si Yudas wo si Simon?

Matius 2:11

A séra muntepla witu um walé, a milekla si Koki' itii karia si Maria si ina'-Na, a séra kumuruzla i mongkot wo mahsigi' ni Sia. Wukan nérala am pelélé'osan néra, an éndon néramé u mas, ung kamania wo u mur an iwéhé nérala wia ni Sia.

Matius 2:20

Kuan ni malaekat itii, “Yusuf, tumoozomé wo ipahwalimoma si Koki' wo si ina'-Na i mawurima sumaup witi tana' Israel, pahpaan si tou mahwuwunu' si Koki' itii é nimatémoma.”

Markus 2:21

Ang kuan-Na kasii, “Zéi'kan siapa tou mapén u roko' weru witu ung karai tu'a. Pahpaan sa téntu, u méipapén itii éng kumoskos wo ung karai tu'a é makésé' wo ung késé'na é sumelahpé'mé ung késé' kataré-taré.

Markus 6:3

Zéi'kankuaa ni Sia ém bas kai uman, oki' ni Maria, wo totoz katuari ni Yakobus, Yoses, Yudas wo ni Simon? Zéi'kankuaa mahwali-wali kariata wia'i sé katuari-Na wéwéné?” Niitumo ni Sia én zéi'kan pa'émanen néra.

Lukas 1:43

Séi kuaa ndéén ni aku taka-takazan si ina' ni Mahpiaraku é niméyé wia ni aku?

Lukas 2:33

Kaitalingamé u méikuamé ni Simeon tumoro si Koki' néra itii, si Yusuf wo si Maria é mengusi-ngusingsing.

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 2:48

Kaiileka ni Sia, si ama' wo si ina'-Na é mengompo'. Ang kuan ni ina'-Na wia ni Sia, “Tolé, kaa téntu um pahwangunen-Nu wia ni kai? Si ama'-Mu wo si ina'-Mu én totozo paharétan i menéro ni Ko.”

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Lukas 8:10

Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Yohanes 19:25

Si ina' ni Yesus wo si wéwéné katuari ni ina' ni Yesus, si Maria mahayo ni Klopas wo si Maria tou Magdala é rimendai witu rété u salip ni Yesus.

Yohanes 2:1

Im witu un endo katelu, witi Kana um witi Galilea ém wéwéhan pésta kawéng wo si ina' ni Yesus ém witu.

Yohanes 2:12

Kumawusa niitu si Yesus nimangé witi Kapernaum karia ni ina'-Na wo sé katuari-Na wo sé pahtuzu'en-Na. Ni séra é nimento' witu woopirana endo uman.

Yohanes 2:5

Taan si ina' ni Yesus éng kimuama wia sé menenelewir, “Wangunela apa un ikua-Namé wia ni kamu.”

Yohanes 7:10

I sé katuari ni Yesus nimangémo witi pésta Pondok Daun, ni Sia kangkasii é nimangé witu taan nimahwuni-wuni umana zéi'kan kinata'uana né tou.

Yohanes 7:3

Ang kuan né katuari ni Yesus wia ni Sia, “Tia'mo mento' wia'i, mangémo witi Yudea, wo sé mahkii-kiit ni Ko kangkasii mamilek am paayangen pahwangunen-Nu.

Yohanes 7:5

Sé katuari-Na kimuama téntu taan ni séra én zéi'kan ma'éman wia ni Sia.

Kisah Rasul-rasul 1:14

Ni séra péléng é nimaréwok karia un esa genang i mahmengaléi. Ni séra i mengaléi éng karia né woopira wéwéné, karia ni Maria ina' ni Yesus wo sé katuari ni Yesus.

1 Korintus 9:5

Zéi'kan toro wé kai lumampang mahwali sé mahayo nai sé ma'émano, tanu sé aatu ni Yesus walina, sé katuari ni Yesus si Mahpiara wo si Kefas?

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.