Matius 12:18 - Taaz Weru Witu u Nunuwu'en Tombulu

¹⁸ “Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Matius 12:18 Iomraidhean Croise

Matius 12:17

Karia in téntu nimalekepola u mé- ikua ni nabi Yesaya in téntii,

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Markus 1:11

An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”

Markus 9:7

Tumondong niitu an tumumpamé u ninahak ang kumungkungé wia ni séra. Wo witu un untep u ninahak itii talingané u nuwu' kimuamé in téntii, “Si kenumo si Oki'-Ku, si ikararaaté-Ku, pahtalingala Sia!”

Lukas 23:35

Lakez sé tou rimendai witu nimilek péléng u mahmuali. Taan sé tonaas né tou Yahudi é mahséro' wia ni Sia, kuan néra, “Sé tou walina én tinulung-Na, iwayamola ni Siamokan si tumulungla un tou-Na in esa, sa Sia uli-ulit Mesias si pinéléng ni Opo Empung.”

Lukas 3:22

an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé, “Ni Komo si Oki'-Ku si ikararaaté-Ku, ni Ko si mahwangun un até-Ku i mahpaa-paaz.”

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Lukas 9:35

Im witu u ninahak talingan néramé u nuwu' mahkuamé, “Si kenumo si Oki'-Ku. Ni Sia ém pinéléng-Ku. Pahtalingala Sia!”

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 14:27

I méikaayola witi Antiokhia, tawahen néramé sé jamaat i maréwoké. An isirita nérala péléng am pinaayang ni Opo Empung mengiité ni séra. Ni séra kasii simiritala i si Opo Empung é nimukamoma u lalan wia sé tou zéi'kan Yahudi i ma'éman wia si Yesus.

Efesus 1:6

Niitumo, ni Sia ém pahloozen pahpaan ung kamang méitambér-Na én totoz wangko'. Niitu méiwéhé-Na wia ni kita mengiité si Yesus Kristus si Oki'-Na si ikararaaté-Na.

Kolose 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i maéndo aatu ni Kristus Yesus.

Kolose 1:13

Ni Sia si nimilotomé ni kita im witu ung kawasa ni sétang si wana ang karimbengbengan wo ni Sia kangkasii nimahwali ni kita witi tampa sumena-sena', ung Kakolanoan ni Oki'-Na si ikararaaté-Na.

1 Petrus 2:4

Niitumo, méyémo wia si Yesus si Mahpiara. Ni Sia én tanu um watu menou-nou. Um watu itii é méitia' né tou, taan pinéléng wo pahsigi'en im witu u sinaru ni Opo Empung.

2 Petrus 1:17

Ni kai ém wana i si Yesus nimakailek u sigi' wo u looz um wia si Opo Empung a méyé. Niitu nimamuali i si Opo Empung Si Totoz pahsigi'en wo pahloozen ing kimua wia ni Sia, “Si Kenumo si Oki'-Ku, si ikararaaté-Ku. Ni Sia si mahwangun un até-Ku i mahpaa-paaz.”