Matius 12:15 - Taaz Weru Witu u Nunuwu'en Tombulu

¹⁵ Taan kata'uan ni Yesus ang ginenang néra a Sia mondolé im witu. Lakez sé tou mahkiité si Yesus wo ni Sia é mahlé'os sé saki im wia ni séra.

Matius 12:15 Iomraidhean Croise

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 19:2

Lakez sé tou mahtotondongané mahkiité ni Sia wo ni séra é liné'os-Nala witu.

Markus 6:56

Wisa uman un angéané ni Yesus, wana am wanua, wana am wanua tua'na kaapa wana am wanua oki', sé tou saki én ipahzeta' néramé wana am pasar a mahaléi wia si Yesus, wo sé tou saki itii toro kiitané zozo' i sumahiz umana u rawisna ung karai tonton-Na. Péléng sé tou simahiza ung karai tonton ni Yesus é nimalé'os.

Lukas 5:22

Si Yesus é mata'u ang genang néra, ang kuan-Na wia ni séra, “Kaa téntu ang genang niou?

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Lukas 9:11

Taan kinata'uan umanla né tou lakez u niangéan néra, a séra kumiita mangé wia ni Sia. Sé tou lakez itii é sinungkula ni Yesus a Sia mahkua wia ni séra tumoro ung Kakolanoan ni Opo Empung wo ni Sia limé'osa sé tou saki.

Yohanes 11:54

Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.

Yohanes 7:1

Tumondongla niitu si Yesus mahliklik ung Galilea. Ni Sia é soo lumiklik u Yudea pahpaan sé tonaas né tou Yahudi witu é mahtututu' i munu' ni Sia.

Yohanes 9:4

Ni kita é léwo'zéi' i mangun am paayangen ni Opo Empung si nimatumé ni Aku, in endopé' taré. Zéi'mo mauréma ém wengimo wo in toro niitu én zéi'kan siapa si toro maayang.

Galatia 6:9

Tia' maseso' i mahwangun a lé'os, pahpaan sa kita zéi'kan maseso' mahwangun niitu, i méikaayomola witu un oras tinotoz ni Opo Empung, ni Sia é méhé am wangun wia ni kita. Niitu é masuat wo si timanem i mupu' u méitanemna.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.