Matius 12:12 - Taaz Weru Witu u Nunuwu'en Tombulu

¹² Zéi'kankuaa si toupé' si ipahpuu-puuna taan si domba? Niitumo, toro i mangun u lé'os witu un endo Sabat.”

Matius 12:12 Iomraidhean Croise

Matius 10:31

Niitumo, ni kamu én tia' maindé', pahpaan im wia si Opo Empung, ni kamupé' sé ipahpuu-puuna taan sé ringkéng lakez.”

Matius 6:26

Ileken nioua sé tumétéwél witi langit, sé zéi'kan mahkeroz wo zéi'kan mahupu' wo zéi'kan mahréwoké ang kakanen wana an tatahu'an, taan si Ama' niou witi kasendukan é mahwéhémé ang kakanen wia ni séra. Zéi'kankuaa ni kamupé' sé ipahpuu-puuna taan sé tumétéwél itii?

Markus 3:4

A Sia kumuala wia sé tou witu, “Wisa un toro wangunen witu un endo Sabat? Mangun u lé'os kaapa u léwo'? Tumulung si tou wo menou-nou kaapa munu' si tou?” Taan ni séra é memene-menes uman.

Lukas 12:24

Amoké ileken nioula sé kokoak, zéi'kan mahkeroz wo zéi'kan mahupu', zéi'kan siapa pahtahu'an kaapa pahlé'osan an niupu', taan zozo'pé' in téntu si Opo Empung si mahwéhé ang kakanen néra. Ni kamupé' sé ipahpuu-puuna taan sé kokoak itii!

Lukas 14:1

In endo Sabat, si Yesus kinua ni esaané wia sé tonaas né sana réwok tou Farisi ing kuman witi waléna. Péléng sé tou witu én totoz mena'u-na'u péléng am pahwangunen ni Yesus.

Lukas 6:9

Ang kuan ni Yesus wia ni séra, “Ni Aku lumigaua wia ni kamu. Wisa un toro wangunen witu un endo Sabat, mangun u lé'os kaapa u léwo', tumulung si tou wo menou-nou kaapa munu' si tou?”