Matius 12:10 - Taaz Weru Witu u Nunuwu'en Tombulu

¹⁰ Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.

Matius 12:10 Iomraidhean Croise

Matius 12:2

Mileka niitu, sé sana réwok tou Farisi kumuama wia si Yesus, “Ilekena! Sé pahtuzu'en-Nu é mahwangun an zéi'kan toro pahwangunen witu un endo Sabat.”

Matius 19:3

A méyé wia si Yesus sé woopira tou im wia sé sana réwok tou Farisi. Ni séra meligau i mema'wa' ni Sia, kuan néra, “Mengiit an tinotoz witu um pa'émanenta, toro wé si tuama kimawéngo in tuma'sala si mahayona karia apa uman ung kinawalian?”

Markus 3:2

Im witu kangkasii ém wéwéhan sé woopira tou sé menéro-néro uman ung kasumalaan ni Yesus. Ni séra é mengile-ngilek ni Sia sa lumé'os si tou itii im witu un endo Sabat, wo Sia toro ipapahsasala' néra.

Lukas 11:54

Ni séra é menéro-néro a sinala' ni Yesus, wo Sia toro tionan néra pahpaan an ipahkua-Na.

Lukas 13:14

Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”

Lukas 20:22

Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”

Lukas 23:14

Ang kuana wia ni séra, “Méipahwali nioué wia ni aku si Tou kenu wo pahkuan niou si Tou kenu é mahlululu sé tou lakez. Ilekené, witu u sinaru niou ém pahpenérongku ang kasumalaan-Na taan maan in esa én zéi'kan siapa u niilekku a méipahtoké niou wia ni Sia.

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Yohanes 5:10

Pahpaano niitu sé tonaas né tou Yahudi kimuama wia si tou taré malé'osa itii, “In tarékan én endo Sabat, ni ko én zéi'kan toro ménét un tepéhmu.”

Yohanes 5:3

Im wana a loloangan itii lakez sé tou saki kimolo': sé letok, sé kénto' wo sé lailai. [Ni séra ma'ento' un zano witu ung kolam itii i mogémé.

Yohanes 7:23

In tarékan sa si tou toro sunaten im witu un endo Sabat, wo ni kamu zéi'kan mahsaru un ukum ni Musa, kaa kamu maupi' i ni Aku limé'osa u saki witu péléng un awak ni tou im witu un endo Sabat?

Yohanes 8:6

Ni séra kimua niitu i mema'wa' ni Sia, wo séra toro mapahsasala' ni Sia. Taan si Yesus nimongkot umanla a mantik witu un tana' karia un tutundu'-Na.

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.