Matius 11:23 - Taaz Weru Witu u Nunuwu'en Tombulu

²³ Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka. Pahpaan sa a makakompo'en winangun-Ku witi wanua niou ém winangun-Ku witi Sodom, tantumo um wanua tua'na itii ém wiapé' makaz in tarékan.

Matius 11:23 Iomraidhean Croise

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 16:18

Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

Matius 17:24

I si Yesus wo sé pahtuzu'en-Na méikaayomola witi Kapernaum, a méyé wia si Petrus sé menanagi pajak um Walé ni Opo Empung, ang kumuama, “Apa si Méster niou é mahwaér pajak um Walé ni Opo Empung kaapa zéi'kan?”

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Matius 8:5

I si Yesus muntepa witi Kapernaum, a méyé si tonaas né sana atus suraro Romawi i mekitulung wia ni Sia, kuana,

Lukas 10:15

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka!”

Lukas 14:11

Pahpaan séi uman si mahlooz un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”

Lukas 16:23

Im witu um woso um patéan, si tou wa'ilan itii én totoz zézéha. A sia lumoho'ma ilekennama si Lazarus é rimumez witu u rété ni Abraham.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Kisah Rasul-rasul 2:27

Pahpaan zéi'kan méiwaya-Mu si Roh-Ku i memiti-miti pahwéha-wéhan né tou nimatémo, wo zéi'kan iwaya-Mu un awak ni Tou Linenas-Mu kenu i mawuul.

Kisah Rasul-rasul 2:31

Pahpaan kata'uano ni Daud u mamuali wo ni sia kimua i si Mesias én itou sumaup ni Opo Empung. Niitu éng kata'uannamo i ni sia kimua, si Roh-Na én zéi'kan iwaya i memiti-miti tampa né tou nimatémo wo un awak-Na én zéi'kan iwaya i mawuul.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 11:8

Sé zua tou nimatémo itii é mamezeta-zeta' witu u lalan tua'na um wanua tua'na un tampa kangkasii ni Mahpiara néra i sinalip. U ngaran um wanua tua'na itii é méiandé né tou i Sodom wo Mesir.

Wahyu 20:13

Un tasik nimayoma sé tou nimaté witu, um patéan wo um pahwéha-wéhan né tou nimaté é nimayoma sé tou nimaté witu, wo si esa wo si esa én totozen mengiit am pinahlé'os néramé.

Wahyu 6:8

An ilekengkuma si kawalo kilo. Si kawalo itii é sinakéan ni tou makangaran Patéan, wo um pahwéha-wéhan né nimatémo é mahkiité witu murina. Wia ni séra ém winéhan ung kawasa i munu' sé sana pahepat né tou wia ung kaayahan karia um pisou, karia ung kaahreman, a saki melaput wo seza'en né meneza' tou.