Matius 11:21 - Taaz Weru Witu u Nunuwu'en Tombulu

²¹ Kuano kasii ni Yesus, “Ikaléwo'mo ni kamu in tou Khorazim! Ikaléwo'mo ni kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo ni séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Matius 11:21 Iomraidhean Croise

Matius 11:22

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukumanpé' wia sé tou witi Tirus wo Sidon u rorak taan un ukuman wia ni kamu.

Matius 15:21

Si Yesus tumula'umé un tampa itii a mangé witi tana' Tirus wo Sidon.

Matius 18:7

Ikaléwo'la ung kaayahan kenu pahpaan lakez an toro mangun sé tou i mahsingkéla'. Ulit sa niana é léwo'zéi' mamuali wia ung kaayahan, taan ikaléwo'la si tou mahmuali niitu!

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Markus 3:8

sé witi Yerusalem, sé witi Idumea, sé witi lewet u so'so'an Yordan, sé witi Tirus wo Sidon a méyé. Ni séra péléng é niméyé wia si Yesus, pahpaan ni séra én timalingamoma péléng am winangun-Na.

Markus 6:45

Tumondong niitu, si Yesus rengan nimatuma sé pahtuzu'en-Na i sumakéma witu u londéi i mapuunama lumewet witi Betsaida, karegas niitu sé tou lakez ém pahatu-Nama i mawuri.

Markus 7:24

A si Yesus tumula'umé un tampa itii a mangé witi Tirus. I méikaayomola witu a Sia muntepa witu um walé esa, wo kasoo-Na ing kata'uanna né tou walina i ni Sia ém witu, taan ni Sia én zéi'kan mata'u i mahwuni-wuni.

Markus 7:31

Tumondong niitu, si Yesus tumula'umé un tana' Tirus. Ni séra nimangé witi louz Galilea, kimiité Sidon wo limangkoié un tana' Dekapolis.

Markus 8:22

Tumondong niitu, si Yesus karia né pahtuzu'en-Na méikaayola witi Betsaida. A sé tou mahwalima si tou letok wia si Yesus. Ni séra mahaléi wia si Yesus in tumiona wia si tou itii wo sia malé'os.

Lukas 4:26

Taan si Opo Empung én zéi'kan nimatu si Elia mangé wia si wéwéné mahesa-esamokan witi Israel, ni Sia é nimatu si Elia mangé uman wia si wéwéné mahesa-esamokan witi wanua Sarfat, witi tana' Sidon.

Lukas 6:17

Kumawusa niitu si Yesus wo sé aatu-Na merosé im witi kimeleng a séra mento'la witu um patar. Im witu é nimaréwoko sé mahkiit ni Sia wo lakez sé tou walina sé witi Yudea, sé witi Yerusalem wo kangkasii sé witi Tirus wo Sidon, am wanua tembir un tasik a méyé.

Lukas 9:10

I sé pahtuzu'en ni Yesus sé méiatu-Nama nimawurimomé, a séra sumirita wia ni Sia am winangun néramomé. Ni séra tawahené ni Yesus in tumampasa mangé witi wanua tua'na Betsaida.

Yohanes 1:44

Si Filipus én tou Betsaida, téntu kangkasii si Andreas wo si Petrus én tou wana.

Yohanes 12:21

Sé tou itii nimangé wia si Filipus. Si Filipus én tou Betsaida um witi Galilea. Ni séra mahkua wia ni sia, “Tuang, ni kai ém paaz mahilekan karia ni Yesus.”

Kisah Rasul-rasul 12:20

Sé tou Tirus wo Sidon én totoz ikaupi' ni Herodes. A sé tou Tirus wo Sidon maesaala i mangé mahilekan karia ni Herodes. Taan ing kataré-taré ni séra é nimenoula si tou mahimek witi istana ni Herodes makangaran Blastus i sumawang ni séra. A séra mangé wia si Herodes i mahaléi wo séra toro malé'osan sumaup kariana. Ni séra nimangun un téntu pahpaan ang kakanen néra é niméré' uman wia sé tou witi tana' kinawasa ni kolano Herodes.

Kisah Rasul-rasul 27:3

Masandomé, kai timulima witi Sidon. Si Yulius én totoz lé'os im wia si Paulus wo ni sia é niénéala ni Yulius i mangé mahilekan karia né kakariana wo séra toro méhémé am pemandungen ni Paulus.

Yudas 1:11

Ikaléwo'la séra pahpaan ni séra éng kimiit um pinahmualimé ni Kain wo ni séra éng kimiit si Bileam si nimahlulumé sé tou pahpaan im pahwaéran. Ni séra kasii én ikaléwo' pahpaan mahsaru si Opo Empung tanu si Korah.

Wahyu 11:3

Ni Aku é matu sé zua tou sé nimilek wo timalinga a méikua-Ku, i makumua a méi'kua-Ku itii, karia ing kimarai ung karai zemdem, ung kauréna é sana riwu zuana atus wo enemna pulu' endo.”

Wahyu 6:12

An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.