Matius 11:18 - Taaz Weru Witu u Nunuwu'en Tombulu

¹⁸ Pahpaan si Yohanes i niméyé, ni sia zéi'kan mahkan wo zéi'kan mahelep wo ni sia ém pahkuan néra i sinelazan ni sétang.

Matius 11:18 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 11:17

‘Ni kai é mahpeloit wia ni kamu, taan ni kamu é soo dumonci. Ni kai é mahkantar ang kakantaren wana am pinatéan, taan ni kamu én zéi'kan mahamé'.’

Matius 3:4

Si Yohanes éng kimarai ung karai tonton kulit ni onta am wangunen wo un embetna éng kawal ni binatang. Ang kakanenna é sé koropit wo a rarina' wana an talun.

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Markus 3:22

Sé tou tulap un Torat sé witi Yerusalem a méyé é mahkua, “Ni Sia é sinelazan ni Beelzebul! Karia ung kawasa ni tonaas né sétang ni Sia mahwoho sé sétang.”

Lukas 1:15

Pahpaan ni sia ém wangunen ni Opo Empung maéndo tou wangko'. Ni sia én zéi'kan mahelep anggor kaapa an eelepen walina a menewelen. Wo kasii ni sia im pahawa-awakempé', si Roh Lenas éng kimawasamo wia ni sia,

Yohanes 10:20

“Ni Sia é sinelazan ni sétang wo pahléla'eno! Kaa kamu mahtalinga ni Sia?”

Yohanes 7:20

Sé tou lakez itii nimingkotla, “Sinelazan katu' Ko! Séi si mahtututu' i munu' ni Ko?”

Yohanes 8:48

Sé tonaas né tou Yahudi mingkotla wia si Yesus, “Ulito um pahkua nai i ni Ko én tou Samaria wo sinelazan.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Kisah Rasul-rasul 26:24

Karegas si Paulus mahnuwu' i mahkelung un touna, a si Festus kuméréta, “Paulus, ni ko ém pahléla'eno! Ni ko ém pahléla'eno pahpaan ung kata'uannu én tahlouso lakez.”

1 Korintus 9:27

Taan ni aku mahtututu' i mahnanaram un touku wo toro kumiit ang ginenangku, wo sa aku nimakawoka'mola u Nuwu' Lé'os tumoro si Kristus wia sé tou, tia' wo ni aku si zéi'kan wangun i makailek ung kukulu.