Matius 11:11 - Taaz Weru Witu u Nunuwu'en Tombulu

¹¹ Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.

Matius 11:11 Iomraidhean Croise

Matius 11:10

Pahpaan tumoro ni sia, méipantik witu um Pinantik Lenas, in téntii, ‘Ilekena, ni Aku nimatuma si aatu-Ku i mapuunama wia ni Ko, ni sia é mamimek u lalan lampangan-Nu witu u sinaru-Mu.’

Matius 11:12

Rengané si Yohanes i mawiamé makaz in tarékan, wéwéhan sé tou léwo' mahsaru wo mahkakawasa sé tou witi Kakolanoan ni Opo Empung.

Matius 3:1

In toro niitu, wéwéhan si tou makangaran Yohanes Menanarani. Ni sia nimangé witi kapelasan witi Yudea a mahwoka' wia sé tou,

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 5:19

Ni- itumo, séi si zéi'kan nimangun un esaané im wana an tinotoz witu un ukum Torat itii, zozo' in totoz kori' uman, wo mahtuzu' sé tou walina i mahwangun tanu um pahlé'osenna, ni sia é makailek un tampa totoz roros im witi Kakolanoan ni Opo Empung. Taan séi si mahwangun wo mahtuzu' péléng a méipantik itii wia sé tou walina, ni sia é makailek un tampa rakék witi Kakolanoan ni Opo Empung.

Lukas 1:15

Pahpaan ni sia ém wangunen ni Opo Empung maéndo tou wangko'. Ni sia én zéi'kan mahelep anggor kaapa an eelepen walina a menewelen. Wo kasii ni sia im pahawa-awakempé', si Roh Lenas éng kimawasamo wia ni sia,

Lukas 7:28

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.”

Lukas 9:48

ang kuan-Na wia sé pahtuzu'en-Na, “Séi uman si simungkul si koki' tanu si kenu pahpaan ma'éman wia ni Aku, ni sia é simungkul ni Aku. Wo séi uman si simungkul ni Aku, ni sia é simungkul si Opo Empung si nimatumé ni Aku. Séi si zéi'kan ipahréké-rékén im wia ni kamu, ni siamo si totoz ipahpuu-puuna.”

Yohanes 1:15

Si Yohanes Menanarani éng kimua a niilekna tumoro ni Sia karia i mahkérét, “Kelamo Sia si paza'ingkula i ni aku mahkua wia ni kamu: Wéwéhan si méyé tumondongé ni aku. Ni Siapé' si pahpuu-puuna taan ni aku pahpaan ni Sia ém wiamo puunala ni aku i nimatou.”

Yohanes 1:27

ni Sia si niméyé timondongé ni aku. Maan i mowar uman un tali sapatu-Na ni aku én zéi'kan wangun.”

Yohanes 10:41

Lakez sé tou mahéyé wia ni Sia a mahkua, “Zéi'kan siapa zozo' in esa a makakompo'en winangunla ni Yohanes Menanarani, taan péléng a méipahkuamola ni Yohanes tumoro si tou kenu én ulit.”

Yohanes 3:30

Ni Sia é léwo'zéi' kalousna im pahsigi'en, taan ni aku é léwo'zéi' kalousna im pahroros.”

Yohanes 5:35

Si Yohanes Menanarani én tanu u solo mahlayas wo mahsena'ma wo u sena' itii nimangun ni kamu mahpaa-paaz zozo' in zéi'kan mauréma.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

1 Korintus 6:4

Niitumo, sa kamu toro tumotoz am pahéndo-éndoan tanu niana, ni kamu én tia'mo menéro tou sé zéi'kan méikarékén jamaat in tumotoz am pahéndo-éndoan niou.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

2 Timutius 1:10

In tarékan si Opo Empung nimapailekomé niitu karia i niméhémé si Kristus Yesus si nimilot sé tou im witu un ukuman wana a singkéla'. Ni Sia éng kimalamoma ung kawasa um patéan wo niméhémé ung katou-touan makaz ing kauré-uré wia ni kita mengiité u Nuwu' Lé'os itii.

Ibrani 11:40

Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

1 Petrus 1:10

Sé nabi im puuna é nimahtata'umola wo simesikola tumoro kura sé tou ipiloté im witu un ukuman wana a singkéla', u nimaéndomola wua'na um pa'émanen niou, wo ni séra é nimahkuamoma tumoro ung kamang tatambér ni Opo Empung un iwéhé wia ni kamu.