Matius 10:5 - Taaz Weru Witu u Nunuwu'en Tombulu

⁵ Sé mapulu' wo zua pahtuzu'en ni Yesus itii é méiatu-Nama karia ing kimuama, “Ni kamu én tia'mo mahaangé wana am wanua né tou zéi'kan Yahudi wo wana am wanua tua'na né tou Samaria,

Matius 10:5 Iomraidhean Croise

Matius 22:3

Ni sia nimatuma sé atana i matumawah sé tou kinuana i méyé witu um pésta kawéng itii, taan sé tou itii é soo méyé.

Matius 4:15

“Un tana' Zebulon wo un tana' Naftali, u lalan mangé witi tasik, un tana' witi lewet u so'so'an Yordan, witi Galilea, witi tana' né tou zéi'kan Yahudi,

Markus 6:7

Tawahen-Namé sé mapulu' wo zua pahtuzu'en-Na, a séra iatu-Nama tumahzuzua. Ni séra ém winéhan-Nala ung kawasa i mahwoho sé sétang.

Lukas 10:1

Tumondong niitu, si Yesus niméléng sé pituna pulu' tou walina sé mahkiit ni Sia. Ni séra é méiatu tumahzuzua mapuuna mangé wana am wanua tua'na wo wana an tampa angéan-Na.

Lukas 10:33

Tumondong niitu, wéwéhan si tou Samaria, si mahlampang a mélumangkoi witu. I niileknama si tou tawimo maté itii, mawiamé u raraatéanna wia si tou itii.

Lukas 17:16

a makumuruz ung gio nimakaz witu un tana' witu u sinaru un a'é ni Yesus a mahkua u makasé wia ni Sia. Si tou itii én tou Samaria.

Lukas 9:1

Si Yesus tumawahmé sé mapulu' wo zua pahtuzu'en-Na, a séra enté'en-Nala am wéhan-Nala ung kawasa i mahwoho sé sétang wo mahlé'os sé tou saki.

Lukas 9:2

Sé pahtuzu'en-Na é méiatu-Na mahwoka' wia sé tou tumoro ung Kakolanoan ni Opo Empung wo i lumé'os sé tou im wana a saki néra.

Yohanes 17:18

Tanu si Ama' nimatumé ni Aku i méyé wia ung kaayahan, téntu kangkasii ni Aku nimatu ni séra i mangé wia sé tou walina sé wia ung kaayahan.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 4:20

Sé nimaopo nai é mahragés wia si Opo Empung wia um wawona ung kentur kenu, taan ni kamu in tou Yahudi é mahkua u Yerusalem ém peraragésan né tou wia si Opo Empung.”

Yohanes 4:5

A Sia ikaayola witi Sikhar witi tana' Samaria, um witi rété un tana' méiwéhé ni Yakub wia si oki'na Yusuf im puuna.

Yohanes 4:9

Si wéwéné tou Samaria itii éng kimuala wia ni Sia, “Kaa ko in tou Yahudi é mahaléi zano elepen wia ni aku in tou Samaria?” (Sé tou Yahudi é soo mahkari-karia sé tou Samaria.)

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Yohanes 8:48

Sé tonaas né tou Yahudi mingkotla wia si Yesus, “Ulito um pahkua nai i ni Ko én tou Samaria wo sinelazan.”

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 10:45

Sé tou Yahudi sé ma'émano si Yesus sé kimiité si Petrus é mengusi-ngusingsing pahpaan ni séra nimileka si Roh Lenas é méiwéhé kangkasii wia sé tahsasana wanua walina sé zéi'kan Yahudi.

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.