Matius 10:41 - Taaz Weru Witu u Nunuwu'en Tombulu

⁴¹ Séi uman si simungkul si nabi i nabi, ni sia é makailek um wawaér ni nabi. Wo séi uman si simungkul si tou ulit in tou ulit, ni sia é makailek um wawaér ni tou ulit.

Matius 10:41 Iomraidhean Croise

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 25:44

Ni séra é mingkot wia ni Sia, ‘Mahpiara, ing kawisa ni kai nimilek ni Ko i maharem, kaapa i maré'o, kaapa in tou limepuh umané, kaapa zéi'kan kimarai, kaapa saki, kaapa witi bui wo ni kai zéi'kan timulung ni Ko?’

Matius 25:45

Ni Sia é mingkot wia ni séra, ‘Uli-ulit ikua-Kuma wia ni kamu, péléng an zéi'kan winangun niou wia si esaané im wia sé katuari-Ku sé totoz roros kenu, ni kamu kangkasii én zéi'kan nimangun niitu wia ni Aku.’

Matius 6:1

Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Matius 6:18

wo zéi'kan kata'uan né tou i ni kamu é mahpuasa, taan akaz uman si Ama' niou si witi tampa méikawuni si mahileké. Ni Sia si mahileké a méikawuni é méhémé um wawaér wia ni kamu.”

Matius 6:4

Sa méhé a sasawang én ipahwuni-wunila, si Ama' niou si mahileké an ipahwuni-wuni itii é méhé um wawaér wia ni kamu.”

Matius 6:6

Taan sa ni kamu mengaléi, muntepla witi penenekelan niou, likepé um pepenet wo mengaléila wia si Ama' niou si witi tampa méikawuni. Karia in téntu, si Ama' niou si mahileké a méikawuni é méhé um wawaér wia ni kamu.

Matius 7:8

Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

Kisah Rasul-rasul 16:15

Si wéwéné itii wo sé sana awuna é sinaranila. A sia tumawahmé ni kai, kuana, “Sa pahgenangen nioula ni aku én uli-ulit ma'éman wia si Mahpiara, méyémo mamento' witi waléku.” Ni sia én totoz menutu' ni kai makaz ung kapaazna kiniitan naila.

Roma 16:23

Si Gayus, si niméhé um waléna in ento'angku wo pahréwo-réwokan péléng né jamaat é mapaayoma u sigi' wia ni kamu. Téntu kangkasii si Erastus, si melélé'os an zoit pajak wia um wanua tua'na kenu wo si Kwartus, si katuari esa pa'émanen é mapaayoma u sigi'na wia ni kamu. [

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

2 Yohanes 1:8

Niitumo tuméga-tégamla, én taa um pa'émanen niou wia si Yesus Kristus um pinaayang naimo im puuna én ikaliong, wo péléng um wawaér wia ni kamu én toro kailekan niou.