Matius 10:4 - Taaz Weru Witu u Nunuwu'en Tombulu

⁴ si Simon si wia sé sana réwok tou Zelot wo si Yudas Iskariot si ing kamurian nimangkér si Yesus.

Matius 10:4 Iomraidhean Croise

Matius 26:14

A si esaané im wia sé mapulu' wo zua pahtuzu'en ni Yesus si makangaran Yudas Iskariot, mangé wia sé tonaas né walian.

Matius 26:15

Kuana, “Apa un iwéhé niou wia ni aku, wo Sia iayoku wia ni kamu?” A sia wéhan nérala un teluna pulu' zoit péra'.

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 27:3

I si Yudas, si nimayo si Yesus nimilekla si Yesus én tinotozola ukumen i maté, ni sia é mene'sel. An iwurinama sumaup un zoit teluna pulu' péra' wia sé tonaas né walian wo sé pahtutu'an né tou Yahudi.

Markus 14:10

A si Yudas Iskariot, si esaané im wia sé mapulu' wo zua pahtuzu'en ni Yesus, mangé wia sé tonaas né walian karia ung genang i mayo si Yesus wia ni séra.

Markus 14:43

I si Yesus karegaspé' mahnuwu', méyé si Yudas, si esaané im wia sé mapulu' wo zua pahtuzu'en-Na, nimahwalimé karia né sana réwok tou sé mahali-ali am pisou wo am wéwélwél. Ni séra é méiatumé né tonaas né walian, né tou tulap un Torat wo né pahtutu'an.

Lukas 22:3

A si tonaas né sétang nimuntepa wia si Yudas, si pahkuan Iskariot, si esaané wia sé mapulu' wo zua pahtuzu'en ni Yesus.

Lukas 22:47

I si Yesus karegaspé' mahnuwu', méyé sé sana réwok tou wo si mahpuuna im wia ni séra é si Yudas si esaané im wia sé pahtuzu'en-Na. Si Yudas rumétéma wia si Yesus i sumiom ni Sia.

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 6:64

Taan im wia ni kamu ém wéwéhan sé zéi'kan ma'éman.” Pahpaan rengané ing kataré-taré éng kata'uano ni Yesus, séi sé zéi'kan ma'éman wo séi si mamangkér ni Sia.

Yohanes 6:71

Si pahkuan-Nala é si Yudas, oki' ni Simon Iskariot, pahpaan ni siamo si nimangkér si Yesus, zozo' ni sia én esaané wia sé mapulu' wo zua pahtuzu'en itii.

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 1:25

Si tou itiimo si masumawel um paayangen ni Yudas i maéndo aatu ni Yesus. Pahpaan si Yudas é nimatémo wo nimangémo witu un tampa um wangun im wia ni sia.”