Matius 10:3 - Taaz Weru Witu u Nunuwu'en Tombulu

³ si Filipus wo si Bartolomeus, si Tomas wo si Matius si im puuna menanagi am pajak, si Yakobus oki' ni Alfeus, si Tadeus,

Matius 10:3 Iomraidhean Croise

Matius 18:17

Sa sia soopé' kasii tumalinga sé tou tinawahmumé itii, maipapata'ula niana péléng wia sé jamaat. Sa sia soopé' kasii tumalinga sé jamaat, irékénola sia in tou zéi'kan mata'u si Opo Empung kaapa si tou menanagi am pajak.

Matius 27:56

Im wia ni séra ém wéwéhan si Maria tou Magdala, si Maria ina' ni Yakobus wo ni Yusuf wo si ina' né oki' ni Zebedeus.

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 15:40

Im witu kangkasii ém wéwéhan sé woopira wéwéné sé mengile-ngileké witi zou'ma. Im wia ni séra é si Salome, si Maria tou Magdala wo si Maria ina' ni Yakobus si Tarétumou wo ni Yoses.

Markus 2:14

Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus.

Markus 3:18

si Andreas, si Filipus, si Bartolomeus, si Matius, si Tomas, si Yakobus oki' ni Alfeus, si Tadeus, si Simon si wia sé sana réwok tou Zelot sé mahsaru sé tou Roma,

Lukas 18:10

“Wéwéhan sé tou zua nimangé witi Walé ni Opo Empung i mengaléi. Si esa é esaané im wia sé sana réwok tou Farisi wo si esa é menanagi am pajak.

Lukas 18:11

Si tou Farisi itii rumendaié wo mengaléi: ‘O Opo Empung, ni aku éng kumuama u makasé wia ni Ko, pahpaan ni aku én zéi'kan tanu sé tou walina, zéi'kan angkum, zéi'kan tantowo, zéi'kan mahsamek wo ni aku én zéi'kan masuat wo si menanagi am pajak kenu;

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Lukas 19:2

Witu um wanua itii ém wéwéhan si tou wa'ilan makangaran Zakheus. Ni sia én tonaas né menanagi am pajak.

Lukas 5:27

Tumondongla niitu, i si Yesus nimondolé, ileken-Nama si menanagi am pajak makangaran Lewi, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!”

Yohanes 1:48

Ang kuan ni Natanael wia ni Sia, “Kaa rékén ni aku kata'uannu?” Am wingkotela ni Yesus, “Puunala si Filipus timawahmé ni ko, ni ko é niilek-Kumomé i simuut witu ung kai ara.”

Yohanes 11:16

A si Tomas, si pahkuan Didimus, kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”

Yohanes 14:22

Si Yudas, zéi'kan si Iskariot, meligau wia ni Sia, “Tuang, kura kahuman ni Ko mangun ni kai i mata'u ni Ko, taan sé tou walina sé wia ung kaayahan kenu én zéi'kan?”

Yohanes 14:5

Ang kuan ni Tomas wia ni Sia, “Tuang, zéi'kan kata'uan nai wisa un angéan-Nu, kura kahuman ni kai mata'u u lalan mangé witu?”

Yohanes 14:9

Kuan ni Yesus wia ni sia, “Filipus, urémo ni Aku i memali-mali karia niou, kura kahuman ni ko zéi'kan mata'u ni Aku? Séi uman si nimileko ni Aku, ni sia é nimileko si Ama'. Kura kahuman ni ko mahkua, ituzu'mé si Ama' itii wia ni kai?

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 15:13

Sumampeta si Paulus wo si Barnabas i mahnuwu', ang kumuamé si Yakobus, “É katuari-katuari, talingana ni aku:

Kisah Rasul-rasul 21:18

Masandomé, si Paulus wo ni kai é nimangé mahilekan karia ni Yakobus, im witu kangkasii péléng sé penatua é nimaréwoko.

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.