Matius 10:2 - Taaz Weru Witu u Nunuwu'en Tombulu

² A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 10:2 Iomraidhean Croise

Matius 17:1

I limangkoioma enemna endo, a si Yesus tumawahmé si Petrus karia né zua mahtuari, si Yakobus wo si Yohanes, i sumosoz karia-Na mangé witi kentur rakék. Im witu é ni séra uman.

Matius 20:20

A méyé wia si Yesus si mahayo ni Zebedeus karia né oki'na zua. A sia kumuruzla witu u sinaru ni Yesus im wéwéhan um pahaléien.

Matius 26:37

A si Yesus tumawahma si Petrus wo sé zua oki' ni Zebedeus ing kumiita ni Sia. Un até-Na é mahpendano i rumara wo zéi'mo si katu'tulan.

Matius 4:18

I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'.

Matius 4:21

Karegas si Yesus i mahlampang, an ileken-Na kasiima sé zua mahtuari walina, ni séra é si Yakobus wo si Yohanes, ni séra zua én oki' ni Zebedeus. Ni séra zua wo si ama' néra ém witu u londéi i mahimek u lolombo'. A sé zua itii tawahené ni Yesus,

Markus 1:29

Kaiondolé im witu um walé peraragésan né tou Yahudi, a si Yesus karia ni Yakobus wo ni Yohanes mangé witi walé ni Simon wo ni Andreas.

Markus 13:3

Tumondongla niitu, si Yesus karia né pahtuzu'en-Na mangé witi kentur Zaitun. Im witu si Yesus rimumezla simaru um Walé ni Opo Empung. A si Petrus, Yakobus, Yohanes, wo si Andreas marumétéla ni Sia a séra meligau,

Markus 6:30

A sé pahtuzu'en méiatu ni Yesus maréwoké sumaup karia-Na wo mahkua wia ni Sia péléng am winangun wo a méipahtuzu' néramé.

Lukas 11:49

Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Lukas 22:14

I méikaayomola witu un orasna, si Yesus rimumez ing kuman mahwali-wali karia né aatu-Na.

Lukas 22:8

A si Yesus matuma si Petrus wo si Yohanes, kuan-Na, “Mangémo wo maimekela un tikohon kanenta i lumé'os un endo Paskah.”

Lukas 5:10

Téntu kangkasii sé kakaria ni Simon, si Yakobus wo si Yohanes, sé oki' ni Zebedeus. Ang kuan ni Yesus wia si Simon, “Tia'mo maindé', rengan in tarékan ni ko é mamenéromo sé tou ing kumiit ni Aku.”

Lukas 9:10

I sé pahtuzu'en ni Yesus sé méiatu-Nama nimawurimomé, a séra sumirita wia ni Sia am winangun néramomé. Ni séra tawahené ni Yesus in tumampasa mangé witi wanua tua'na Betsaida.

Yohanes 12:22

A si Filipus makumua tumoro niitu wia si Andreas. A si Andreas wo si Filipus makumua tumoro niitu wia si Yesus.

Yohanes 13:23

Si esaané im wia sé pahtuzu'en ni Yesus, si ikararaaté-Na, rimumez totoz rété witu ung kakan-Na.

Yohanes 20:2

A sia kumara'mé menéro si Simon Petrus wo si pahtuzu'en ni Yesus si ikararaaté-Na, a mahkua wia ni séra, “Si Tuang é niéndomoma né tou im witu u lelewengan-Na wo u zinetaan ni Sia én zéi'kan kata'uan nai.”

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.

Yohanes 21:20

I si Petrus liméngéhma, ni sia nimilek i si pahtuzu'en ikararaaté ni Yesus é mahkiita ni séra, ni sia é si pahtuzu'en si rimumez witu ung kasaru ni Yesus i ni séra mahkan mahwali-wali wo kimuala, “Tuang, séi sia wé si mayo ni Ko?”

Yohanes 21:24

Ni siamo si pahtuzu'en si mahkuama an niilek wo an tinalingana tumoro niia péléng wo si nimantiko, wo kata'uanta sa am pahkuana tumoro a niilek wo an tinalingana én ulit.

Yohanes 6:67

A si Yesus kumuama wia sé mapulu' wo zua pahtuzu'en-Na, “Apa ni kamu kasii én tumula'u ni Aku?”

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Yohanes 6:71

Si pahkuan-Nala é si Yudas, oki' ni Simon Iskariot, pahpaan ni siamo si nimangkér si Yesus, zozo' ni sia én esaané wia sé mapulu' wo zua pahtuzu'en itii.

Yohanes 6:8

Si Andreas, si totoz katuari ni Simon Petrus, si esaané im wia sé pahtuzu'en ni Yesus kimuala wia ni Sia,

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 1:26

A séra sumawuta lot i mahtata'u séi si mapéléng. Si nimapéléng é si Matias. A sia totozen nérala i maéndo aatu ni Yesus karia né mapulu' wo esa aatu itii.

Kisah Rasul-rasul 12:2

Ni sia nimatu i munu' si Yakobus si totoz katuari ni Yohanes karia um pisou.

Kisah Rasul-rasul 3:1

I sana endo witu un jam katelu im wengindo, un oras i mengaléi, si Petrus wo si Yohanes é nimangé witi Walé ni Opo Empung.

1 Korintus 15:7

Tumondong niitu, a Sia mapailek un tou-Na wia si Yakobus wo wia péléng sé aatu-Na.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

2 Yohanes 1:1

Um pinantik kenu ém wia ni aku, si penatua wo iwéhé wia sé totoz ikararaatéku, si ina' pinéléng ni Opo Empung wo wia sé oki'na. Zéi'kan uman ni aku si rumaraaté ni kamu, taan maan péléng sé tou sé mata'umo an tutuzu' kaulitan,

3 Yohanes 1:1

Um pinantik kenu ém wia ni aku, si penatua, iwéhé wia si Gayus si uli-ulit ikararaatéku witu ung kaulitan.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 22:8

Ni aku Yohanes, ni akumo si timalinga wo nimilek niana péléng. I niana péléng pinakatalingakumola wo pinakailekkumola, an aku kumuruzla witu u sinaru un a'é ni malaekat i mongkot wo sumigi' ni sia, si nimapata'umé péléng niana wia ni aku.