Matius 10:16 - Taaz Weru Witu u Nunuwu'en Tombulu

¹⁶ “Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 10:16 Iomraidhean Croise

Matius 24:25

Gena-genangen! Niitu é mémoikua-Ku wia ni kamu puunala niitu i mamuali.

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 25:2

Sé lima im wia ni séra é lemou wo sé lima én tulap.

Matius 25:4

Taan sé raraha tulap nimahalimé a solo wo kasii a lana wana am wotel néra in ipahtégam.

Matius 25:9

Taan sé raraha tulap é nimingkot umanla in téntii, ‘Ni kamu én zéi'kan wéhan nai, én taa u lana nai én zéi'mo maawes im wana a solo nai wo wana a solo niou. Tawimo ni kamu mangé wia sé mahwangkér lana wo matumelesé lana witu.’

Lukas 10:3

In tarékan, mangémo wo mile-ilek, pahpaan ni kamu i méiatu-Ku én tanu si domba witu un unez né serigala.

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 11:14

An téntu én tia' ikakompo' niou, pahpaan si tonaas né sétang kangkasii é mahasa-asar sé malaekat nimahalimé un ayah.

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

2 Korintus 8:20

Ni kai én totoz mile-ilek én taa wéwéhan sé tou mapahsasala' ni kai i mahali an zoit isawang un téntumokala ung kalakez itii.

Filipi 2:15

Karia i mahwangun an téntu, ni kamu é mapailek i ni kamu én oki' ni Opo Empung sé zéi'kan siapa sinala' im wia sé tou léwo' wo méikalulu. Karia menou-nou im weresi wo zéi'kan siapa a sinala', ni kamu maéndo sena' wia ni séra, tanu u sena' né tototi'en i mahsena' wia ung kaayahan.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 4:5

Ni kamu é léwo'zéi' tulap i menou-nou karia né tou zéi'kan ma'éman wo un témpo ém pahpakéla lumé'o-lé'os.

1 Tesalonika 2:10

Ni kamu, téntu kangkasii si Opo Empung é mata'u i ni kai é menou-nou karia un até weresi, zéi'kan mahsanaweka wo zéi'kan penuwu-nuwu'en né tou i menou-nou mahwali-wali karia niou, sé ma'émano.

1 Tesalonika 5:22

Zumou'la im wana péléng a léwo'an.