Matius 10:1 - Taaz Weru Witu u Nunuwu'en Tombulu

¹ Si Yesus timawahmé sé mapulu' wo zua pahtuzu'en-Na a séra wéhan-Nala ung kawasa i mahwoho sé sétang wo mahlé'os sé tou saki wo sé lailai.

Matius 10:1 Iomraidhean Croise

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 26:20

Im wengimo, si Yesus rimumez ing kuman mahwali-wali karia né mapulu' wo zua pahtuzu'en-Na.

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Matius 9:35

Si Yesus wo sé pahtuzu'en-Na é melili-liklik wana péléng am wanua wo wanua tua'na; ni Sia é mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung, wo mahlé'os péléng sé saki wo sé lailai.

Matius 9:38

Niitumo, mahaléiola wia si makauma wo awesan-Namé tou i mémupu'.”

Lukas 10:19

Niitumo, totoz wéhanla genang, ang kawasa é mémoiwéhé-Ku wia ni kamu i luméék sé ulé', sé kalajengking wo kumala ang kawasa né kakoro' niou, si tonaas né sétang itii taka-takazan zéi'kan siapa si toro luméwo' ni kamu.

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Lukas 24:49

Ni Aku in esa si matu si Roh Lenas wia ni kamu, si mémoitaaz ni Ama'-Ku. Taan ni kamu é léwo'zéi' i mento'ma wia am wanua tua'na kenu akaz ung kawasa ni Opo Empung si witi kasendukan kailekan niou.”

Lukas 6:13

In endomo an tawahen-Namé sé mahkii-kiit ni Sia a méléng im wia ni séra sé mapulu' wo zua tou. Sé pinéléng-Na itii ém pahkuan-Na aatu-Na.

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 3:27

A si Yohanes Menanarani mingkotla, “Zéi'kan siapa zozo' in esa si tou toro makailek apa sa niitu zéi'kan méiwéhémé ni Opo Empung.

Yohanes 3:35

Si Ama' é rumaraaté si Oki'-Na wo niméhémo wia ni Sia ung kawasa wana péléng am péléng.

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 19:15

Taan si roh léwo' itii é nimingkot umané in téntii, “Kata'uangku séi si Yesus, téntu kangkasii si Paulus éng kata'uangku. Taan ni kamu, séi wé?”

Wahyu 12:1

An ilekena un tanda wangko' witi langit. Wéwéhan si wéwéné kimarai si endo, un a'éna é liméék witu um wawo ni loloho'en. Witu un ulu ni wéwéné itii ém wéwéhan um poporongen ing kolano u mapulu' wo zua tototi'en am wangunen.