Markus 9:3 - Taaz Weru Witu u Nunuwu'en Tombulu

³ Ung kinarai-Na é nimakulo'ma meto-petot. Im wia ung kaayahan kenu én zéi'kan siapa tou toro kumemes ung karai wo itu makulo' tanu niitu.

Markus 9:3 Iomraidhean Croise

Matius 28:3

Ung giona én tanumokan u sena'na un tila'pong wo ung kinaraina én totoz kulo' tanumokan u salju.

Markus 9:4

An ileken nérama si Elia wo si Musa é mahsirita karia ni Yesus.

Lukas 9:29

Karegas si Yesus mengaléi im witu, ung gio-Na ém pahileken i nimawalinamoma wo ung kinarai-Na é nimakulo'moma meto-petot.

Kisah Rasul-rasul 10:30

Si Kornelius mingkotla in téntii, “Epatna endo limangkoila, in jam katelu im wengindo woo tanu in tarékan, ni aku éng karegas i mengaléi witu um waléku. Kumompo'mé wéwéhan si tou rimendaila witu u sinaruku, ung karaina é meto-petot.

Wahyu 19:18

wo ni kamu sumeza' a lé'ona né kolano, né tonaas né suraro, né suraro totoz ketezen, né kawalo wo né simaké wia sé kawalo itii. Wo kasii seza'en niouola a lé'ona péléng né tou: séra in ata kaapa zéi'mo ata, sé tou kanaramen wo sé tou pahsigi-sigi'en.”

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.