Markus 9:2 - Taaz Weru Witu u Nunuwu'en Tombulu

² I limangkoiola un enemna endo, si Yesus mahwalima si Petrus, si Yakobus karia ni Yohanes i simosoza witu ung kentur rakék. Im witu én zéi'kan siapa tou walina akaz uman ni séra. In toro niitu ileken nérama si Yesus é nimawalinamoma.

Markus 9:2 Iomraidhean Croise

Matius 14:13

Ing kinatalingaala ni Yesus u nimamuali itii, a Sia mondolé im witu, sumakéma londéi a mangé witi tampa zou'ma im wana am wanua, in tumampas. Taan un angéan ni Yesus éng kinata'uanla né tou lakez, a séra kumiita ung katanaan wana am wanua néra i mahtondonga si Yesus.

Markus 14:33

An tawahen-Namé si Petrus, si Yakobus wo si Yohanes i mangé karia-Na. In toro niitu, un até-Na én totozo zéha wo zéi'mo katu'tulan.

Markus 16:12

Kumawusa niitu, i sé zua pahtuzu'en ni Yesus melampang mondol im witi wanua tua'na, si Yesus nimapailek un tou-Na wia ni séra taan ni Sia én zéi'kan kinana'uan nérala pahpaan ni Sia ém pahilekeno im walina.

Markus 5:37

Zéi'kan iwéhé ni Yesus sé tou zozo' in esa ing kumiit ni Sia. Akaz uman si Petrus, si Yakobus wo si Yohanes si katuari ni Yakobus sé toro kumiit.

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

2 Korintus 13:1

Ang kenu éng katelu ni aku i méyé wia ni kamu. Witu um Pinantik Lenas méipantik in téntii, “Sa wéwéhano zua kaapa telu tou sé mahkua tumoro a niilek néra, taré um pahéndo-éndoan toro isampet.”

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.