Markus 8:2 - Taaz Weru Witu u Nunuwu'en Tombulu

² “Iraraaté-Kumo sé tou lakez kenu. Pahpaan teluna endomo séra i mengii-ngiit ni Aku wo ni séra én zéi'mo siapa kanen.

Markus 8:2 Iomraidhean Croise

Matius 14:14

I si Yesus timumpamomé im witu u londéi, ileken-Nama sé tou totoz lakez, a mawiamé u raraatéan-Na wia ni séra. A lé'osen-Nala sé tou saki im wia sé tou lakez itii.

Matius 20:34

A mawiamé u raraatéan ni Yesus wia ni séra. An irasak-Nama u lengen-Na wana am weren néra zua, in toro niitukan ni séra én toromo mahilek, a séra kumiit si Yesus.

Matius 9:36

I si Yesus nimileka sé tou lakez i mengii-ngiit uman ni Sia, a méyé u raraatéan-Na wia ni séra, pahpaan ni séra marawoio wo melinga-linganga tanumokan sé domba zéi'kan siapa si memimiara.

Markus 1:41

A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.”

Markus 5:19

Si Yesus én zéi'kan niménéla, taan kuan-Na wia si tou itii, “Mawurimoma witi walému, wia sé kawanuamu, wo ikuala wia ni séra péléng am winangun ni Opo Empung wia ni ko wo kura u raraatéan-Na wia ni ko.”

Markus 6:32

A séra sumakéma u londéi in tumampas witi tampa zou'ma im wana am wanua.

Markus 6:34

I simuwa'mola u londéi sinakéan néra, ilekena ni Yesus totoz lakez sé tou nimaréwok ma'ento' ni Sia. A mawiamé u raraatéan-Na wia ni séra pahpaan ni séra én tanumokan sé domba zéi'kan siapa si memimiara. A si Yesus rengan i mahtuzu' an tutuzu' lakez wia ni séra.

Markus 8:3

Sa séra maharem an ipapawuri-Kuma, ni séra én ikawesah witi lalan, pahpaan wéwéhan sé witi zou'ma a méyé.”

Markus 9:22

Wo ni sia é makalakez im pahkéhongena ni sétang itii witu un api kaapa witu un zano i mahwuwunu' ni sia. Taan sa sia toro tulungena ni Méster, tulungené wo iraraaté ndootuumé kai.”

Lukas 15:20

An itula'unama un tana' itii a sia mangé wia si ama'na. Zou'pé'ma é si niilekoma ni ama'na, a mawiamé u raraatéanna wia si oki'na itii. Si ama'na kumara'ma i sumungkul ni sia. Masungkula séra, ingki'ennama a siomennama si oki'na itii.

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

Ibrani 5:2

Ni sia é makawawa karia in eluz uman in tumatér sé tou, sé zéi'kan siapa kata'uan wo méikalulu, pahpaan ni sia kangkasii én tou uman si lakez an zéi'kan enté'.