Markus 6:3 - Taaz Weru Witu u Nunuwu'en Tombulu

³ Zéi'kankuaa ni Sia ém bas kai uman, oki' ni Maria, wo totoz katuari ni Yakobus, Yoses, Yudas wo ni Simon? Zéi'kankuaa mahwali-wali kariata wia'i sé katuari-Na wéwéné?” Niitumo ni Sia én zéi'kan pa'émanen néra.

Markus 6:3 Iomraidhean Croise

Matius 11:6

Mahpaa-paazola sé tou simungkul ni Aku.”

Matius 12:46

I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Markus 15:40

Im witu kangkasii ém wéwéhan sé woopira wéwéné sé mengile-ngileké witi zou'ma. Im wia ni séra é si Salome, si Maria tou Magdala wo si Maria ina' ni Yakobus si Tarétumou wo ni Yoses.

Markus 3:18

si Andreas, si Filipus, si Bartolomeus, si Matius, si Tomas, si Yakobus oki' ni Alfeus, si Tadeus, si Simon si wia sé sana réwok tou Zelot sé mahsaru sé tou Roma,

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 7:23

A si Yesus kumua kasii, “Mahpaa-paazola sé tou simungkul ni Aku.”

Lukas 8:20

Wéwéhan si tou makimua wia si Yesus, kuana, “Si ina' wo sé katuari-Mu ém witi ondol, ni séra ém paaz mahilekan karia-Mu.”

Yohanes 14:22

Si Yudas, zéi'kan si Iskariot, meligau wia ni Sia, “Tuang, kura kahuman ni Ko mangun ni kai i mata'u ni Ko, taan sé tou walina sé wia ung kaayahan kenu én zéi'kan?”

Yohanes 6:42

Kuan néra, “Zéi'kankuaa ni Sia é si Yesus, oki' ni Yusuf, si ina' wo ama'-Na éng kata'uanta? Kura kahuman Sia mahkua, ni Sia én timumpamé im witi kasendukan?”

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

1 Korintus 1:23

Taan ni kai é mahwoka' i si Kristus é nimaté sinalip. Un ipahwoka' nai kenu éng kasoo né tou Yahudi pahpaan mahwangun un até néra i rumara, wo im wia sé tou zéi'kan Yahudi niitu ém pahkuan néra ing kalemouan.

1 Korintus 9:4

zéi'kan toro wé kai kuman wo melep im wana am pinaayang nai?

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.

1 Petrus 2:4

Niitumo, méyémo wia si Yesus si Mahpiara. Ni Sia én tanu um watu menou-nou. Um watu itii é méitia' né tou, taan pinéléng wo pahsigi'en im witu u sinaru ni Opo Empung.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.