Markus 3:9 - Taaz Weru Witu u Nunuwu'en Tombulu

⁹ Pahpaan sé tou én totoz lakez, a Sia matuma sé pahtuzu'en-Na i mamimek u londéi sakéan-Na, wo sé tou zéi'kan mahsésé'sé'an karia-Na.

Markus 3:9 Iomraidhean Croise

Yohanes 6:15

Kata'uan ni Yesus ni séra é mamenutu' ni Sia i maéndo kolano néra. Niitumo Sia nimangé witi kimentur mengesamé.

Markus 5:30

In toro niitukan kata'uala ni Yesus im wéwéhan ung kawasa u nimondola im wia ni Sia. Niitumo si Yesus liméngéma muri wia sé tou lakez itii a meligau, “Séi si simahizé witu ung karai tonton-Ku?”

Matius 15:39

A sé tou lakez itii ipekiwurima ni Yesus. Ni Sia sumakéma londéi a mangé witi tana' Magadan.

Markus 4:1

Makasamé, si Yesus é mahtuzu' kasii witi tembir u louz Galilea. A méyé sé tou totoz lakez nimaréwoké wia ni Sia. Niitumo ni Sia simakéma witu u londéi u simuwa' witu un tembir u louz a rumumezla witu wo sé tou lakez itii ém witi katanaan, witu un tembir u louz.

Markus 4:36

An itula'u néramé sé tou lakez itii a sumakéma witu londéi u sinakéan ni Yesus, a séra mangé. Wo a londéi walina kangkasii é nimengiita ni Sia.

Markus 5:2

Kaitumpamé ni Yesus witu u londéi, a méyé si tou sinelazan né sétang si witi pahlewengan, mémahilekan karia-Na.

Markus 6:32

A séra sumakéma u londéi in tumampas witi tampa zou'ma im wana am wanua.

Lukas 5:1

Makasamé si Yesus é rimendai witi tembir u louz Genesaret. Lakez sé tou nimaréwoké mahsésé'sé'an witu rété-Na in tumalinga u nuwu' ni Opo Empung un ituzu'-Na.

Lukas 5:3

A si Yesus sumakéla witu u londéi. U londéi itii anu ni Simon. Ikua-Nala wia si Simon u londéi sinakéan-Na in izou'ma oki' im witu un tembir u louz. Sia rumumezla witu londéi itii a mahtuzu' sé tou lakez.