Markus 3:3 - Taaz Weru Witu u Nunuwu'en Tombulu

³ A si Yesus kumuama wia si tou u lengenna kasaru é lailai itii, “Méyémo, rumendaié witu un unez.”

Markus 3:3 Iomraidhean Croise

Matius 12:10

Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.

Markus 3:2

Im witu kangkasii ém wéwéhan sé woopira tou sé menéro-néro uman ung kasumalaan ni Yesus. Ni séra é mengile-ngilek ni Sia sa lumé'os si tou itii im witu un endo Sabat, wo Sia toro ipapahsasala' néra.

Markus 3:4

A Sia kumuala wia sé tou witu, “Wisa un toro wangunen witu un endo Sabat? Mangun u lé'os kaapa u léwo'? Tumulung si tou wo menou-nou kaapa munu' si tou?” Taan ni séra é memene-menes uman.

Lukas 6:8

Taan kata'uan-Na um pegena-genangen néra, ang kuan-Na wia si tou makalengen kakan lailai, “Tumoozé wo rumendaila witu un unez!” A si tou itii tumoozé a rumendaila witu un unez.

Yohanes 9:4

Ni kita é léwo'zéi' i mangun am paayangen ni Opo Empung si nimatumé ni Aku, in endopé' taré. Zéi'mo mauréma ém wengimo wo in toro niitu én zéi'kan siapa si toro maayang.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

Galatia 6:9

Tia' maseso' i mahwangun a lé'os, pahpaan sa kita zéi'kan maseso' mahwangun niitu, i méikaayomola witu un oras tinotoz ni Opo Empung, ni Sia é méhé am wangun wia ni kita. Niitu é masuat wo si timanem i mupu' u méitanemna.

Filipi 1:14

Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.

1 Petrus 4:1

Pahpaan si Kristus é nimendanomé an zézéha witu un awak-Na, niitumo ni kamu kangkasii é léwo'zéi' tumégamla karia i mahgenang tanu niitu. Pahpaan séi si nimendanomé an zézéha witu un awakna, ni sia én zéi'mo memua-muali a singkéla'.