Markus 2:5 - Taaz Weru Witu u Nunuwu'en Tombulu

⁵ I si Yesus nimilekla um pa'émanen néra wia ni Sia, ang kuan-Na wia si tou lailai itii, “É oki'-Ku, a singkéla'mu é niampungano.”

Markus 2:5 Iomraidhean Croise

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Matius 9:5

Wisa u meripu' umané, kumuama, ‘A singkéla'mu é niampungano,’ kaapa ing kumuama, ‘Tumoozomé wo lumampangoma?’

Markus 2:6

Taan im witu kangkasii é rimumez sé woopira tou tulap un Torat. Witu ung genang néra, ni séra meligau,

Markus 5:34

Ang kuan-Na wia si wéwéné itii, “É oki'-Ku, um pa'émanennu u limé'os ni ko. Mangémo karia ung kaluasan witu un até, ni ko én uli-ulit lé'oso!”

Lukas 5:20

I si Yesus nimilekla um pa'émanen néra wia ni Sia, ang kuan-Na wia si tou itii, “É katuari, a singkéla'mu é niampungano.”

Lukas 8:48

Ang kuan ni Yesus wia si wéwéné itii, “É oki'-Ku, um pa'émanennu u limé'os ni ko, mangémo karia ung kaluasan witu un até.”

Yohanes 2:25

Niitumo, sé tou én zéi'kan totoz kumua wia ni Sia tumoro péléng sé tou, pahpaan kata'uan-Namo am witu un até né tou.

Yohanes 5:14

Tumondongé, si Yesus nimahilekan karia ni tou itii witi Walé ni Opo Empung ang kumua wia ni sia, “Gena-genangen, ni ko é lé'oso, tia'mo ko memangu-mangunpé' kasii a singkéla', wo ni ko zéi'kan makailek an zézéha lumouspé'mé ung kawutez u nimamuali wia ni ko.”

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

Kisah Rasul-rasul 14:9

Ni sia é rimumez mahtalinga si Paulus i mahnuwu'. Si Paulus nimileka si tou itii ang kata'uannala i si tou itii é ma'éman wia si Yesus, niitumo ni sia én toro malé'os.

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

1 Korintus 11:30

Pahpaano niitu, lakez sé tou im wia ni kamu sé makaawak un zéi'kan enté', sé saki wo sé nimaté.

2 Korintus 2:10

Pahpaan, sa ang kasumalaan ni tou én niampungan nioula, ni aku kangkasii é méhé un ampungan wana ang kasumalaan ni tou itii, sa uli-ulit im wéwéhan un totoz ampungangku wia si tou itii. Pahpaan ung kawangunan niou witu u sinaru ni Kristus, ni aku méhé un ampungan wana ang kasumalaanna.

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

Yakobus 5:15

Sa séra mengaléi karia um pa'émanen, si tou saki itii é malé'os. Si Mahpiara é mangun si tou itii in uli-ulit malé'os, wo sa sia nimangunla a singkéla', ni sia én ampungan.