Markus 2:2 - Taaz Weru Witu u Nunuwu'en Tombulu

² A méyé sé tou totoz lakez nimaréwoké, taka-takazan im witu én zéi'mo siapa tampa, maan im witu u loloangan ém wutamo né tou. Karegas si Yesus mahtuzu' wia ni séra u Nuwu' ni Opo Empung,

Markus 2:2 Iomraidhean Croise

Matius 5:2

A si Yesus rengan i mahtuzu' ni séra, kuan-Na,

Markus 1:14

I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung,

Markus 1:33

Péléng sé tou witi wanua tua'na itii é nimaréwoké witu ung kauntepala um walé itii.

Markus 1:37

I ni Sia kinailekan néramola, kuan néra, “Péléng sé tou mahpenéro ni Ko.”

Markus 1:45

Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.

Markus 2:1

Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé.

Markus 2:13

A si Yesus mangé sumaup witi tembir u louz. Lakez sé tou niméyé wia ni Sia, a Sia mahtuzu' ni séra.

Markus 6:34

I simuwa'mola u londéi sinakéan néra, ilekena ni Yesus totoz lakez sé tou nimaréwok ma'ento' ni Sia. A mawiamé u raraatéan-Na wia ni séra pahpaan ni séra én tanumokan sé domba zéi'kan siapa si memimiara. A si Yesus rengan i mahtuzu' an tutuzu' lakez wia ni séra.

Lukas 12:1

In toro niitu én totoz lakez sé tou nimaréwok makaz ni séra é mahsésé'-sé'an, a si Yesus mahtuzu' kimataréma wia sé pahtuzu'en-Na, kuan-Na, “Ni kamu é mile-ilek im witu u ragi né sana réwok tou Farisi sé mahgau-gau lé'os.

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Lukas 8:1

Tumondongé niitu, si Yesus mangé wana am wanua tua'na wo wana am wanua. Im wana ni Sia mahwoka' u Nuwu' Lé'os tumoro ung Kakolanoan ni Opo Empung. Sé mapulu' wo zua pahtuzu'en-Na é mahwali-wali karia-Na,

Lukas 8:11

Téntii ung kalakoan un aandéan itii: Am watuna tatanemen itii é Nuwu' ni Opo Empung.

Kisah Rasul-rasul 11:19

Kumawusa si Stefanus im winunu', sé katuari esa pa'émanen ém pahzézéhan, a séra tumingkas méikasera wayaan u niangéan. Wéwéhan sé timingkas witi tana' Fenisia, Siprus wo witi Antiokhia. Sé tou timingkas itii é mahwoka' u Nuwu' Lé'os tumoro si Yesus, taan wia uman sé tou Yahudi.

Kisah Rasul-rasul 14:25

Im witi tana' Pamfilia ni séra mahwoka' u Nuwu' ni Opo Empung witi wanua tua'na Perga, a séra mangé witi Atalia.

Kisah Rasul-rasul 16:6

Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 8:25

I si Petrus wo si Yohanes nimakakuamola a niilek wo an tinalinga néra tumoro si Yesus wo nimakawoka'moma u Nuwu' ni Opo Empung, ni séra é nimawurima sumaup witi Yerusalem. Wo im witi pahlampangan néramé i mawurimé, lakez kasii am wanua witi Samaria am pinahwokaan néramé u Nuwu' Lé'os tumoro si Yesus.

Roma 10:8

Taan ung kalakoana tanu u méipantik witu um Pinantik Lenas in téntii: “U Nuwu' ni Opo Empung itii én zéi'kan zou'ma im wia ni kamu, witu u sumahmu wo witu un atému.” Niitu u Nuwu' ni Opo Empung um pahwoka' nai; um pa'émanen né tou.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.