Markus 2:1 - Taaz Weru Witu u Nunuwu'en Tombulu

¹ Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé.

Markus 2:1 Iomraidhean Croise

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Matius 9:1

Kumawusa niitu, si Yesus karia né pahtuzu'en-Na sumakéma witu u londéi a lumewet u louz. Tumondong niitu, a Sia ikaayola witi wanua tua'na pahwéha-wéhan-Na.

Markus 1:45

Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.

Markus 2:2

A méyé sé tou totoz lakez nimaréwoké, taka-takazan im witu én zéi'mo siapa tampa, maan im witu u loloangan ém wutamo né tou. Karegas si Yesus mahtuzu' wia ni séra u Nuwu' ni Opo Empung,

Markus 3:20

Tumondong niitu, si Yesus muntepa witu um walé. Lakez kasii sé tou nimaréwoké, taka-takaz ni Sia wo sé pahtuzu'en-Na én zéi'mo siapa orasna ing kuman.

Markus 7:17

I si Yesus wo sé pahtuzu'en-Na timula'umé sé tou lakez a muntepa witu um walé, sé pahtuzu'en-Na é meligau wia ni Sia tumoro ung kalakoan un aandéan méikua-Namé itii.

Markus 7:24

A si Yesus tumula'umé un tampa itii a mangé witi Tirus. I méikaayomola witu a Sia muntepa witu um walé esa, wo kasoo-Na ing kata'uanna né tou walina i ni Sia ém witu, taan ni Sia én zéi'kan mata'u i mahwuni-wuni.

Markus 9:28

Kumawusa niitu, si Yesus wo sé pahtuzu'en-Na muntepa witu un walé esa. I ni séra uman sé witu, a séra meligau wia ni Sia, “Kaa ni kai én zéi'kan makawawa i moho si sétang itii?”

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Lukas 5:18

A méyé sé woopira tou memuléngé si tou lailai witu um wuwuléngan, ni séra é mahtututu' i mahwali ni sia witi untep um walé wo zumeta' ni sia witu sinaru ni Yesus.

Yohanes 4:47

Ing kinatalingaanala si Yesus im witi Yudea niméyé witi Galilea, a sia mangé wia si Yesus mahaléi wia ni Sia i méyé witi Kapernaum wo lumé'osé si oki'na, pahpaan si oki'na én tawimo maté.

Kisah Rasul-rasul 2:6

In timalingamé un zani itii, a maréwoké sé tou lakez. Ni séra é mengompo' pahpaan si esa wo si esa é mahtalingamé u nunuwu'en néra ém pahnuwu'mo né tou ma'éman itii.