Markus 16:1 - Taaz Weru Witu u Nunuwu'en Tombulu

¹ I limangkoioma un endo Sabat, si Salomé, si Maria tou Magdala wo si Maria si ina' ni Yakobus é matimelesé u lana mahwou tariis um pahalin witi lelewengan i maisu' un awak ni Yesus.

Markus 16:1 Iomraidhean Croise

Markus 14:3

I si Yesus witi Betania, ni Sia é rimumez mahkan witi walé ni Simon si i makasa én tinoro ung kusta. Karegas niitu a méyé si wéwéné esa mahali-ali um wotel pualam am wangunen, un tinahu'an u lana narwastu un totoz mahal. In tinarazola ni wéwéné itii u rawisna um wotel itii, an iwuwu'nala u lana itii witu un ulu ni Yesus.

Markus 14:8

Si wéwéné kenu é nimangunola un toro wangunenna. Un awak-Ku kenu ém winéhannamola lana, un tanumokan ni Aku é niimeknamola i mamoileweng.

Markus 15:40

Im witu kangkasii ém wéwéhan sé woopira wéwéné sé mengile-ngileké witi zou'ma. Im wia ni séra é si Salome, si Maria tou Magdala wo si Maria ina' ni Yakobus si Tarétumou wo ni Yoses.

Markus 15:42

In toro niitu é mahwengimoma wo un endo itii én endo mahsiwo-siwo i lumé'os un endo Sabat.

Markus 15:47

In toro niitu, si Maria tou Magdala wo si Maria ina' ni Yoses én totoz nima'uma u linewengan si Yesus.

Markus 16:2

In endo kataré witu un duminggu itii, i si endo taré mahserité, ni séra nimangé witi lelewengan.

Markus 16:8

A séra mondolé im witu u lelewengan itii ang kumara'ma pahpaan ni séra én totoz maindé' makaz i mahgerger. Ni séra én zéi'kan nimahkua-kuama apa im wia sé tou pahpaan un indé' néra. [Péléng a méikuamé itii ém pinerewek néra umana i méisiritama wia si Petrus wo sé kakariana. Kumawusa niitu, si Yesus in esa mengiité sé pahtuzu'en-Na mahwoka' u nuwu' lenas u makaz ing kauré-uré tumoro u méipilot im witu un ukuman wana a singkéla'.]

Lukas 23:54

Un endo itii én endo mahsiwo-siwo wo u Sabat é lelezo.

Lukas 23:56

Mawurima séra a mamimek um pengingisu' wia sé nimatémo wo u lana mahwou tariis in iisu' witu un awak ni Yesus. In endo Sabat, ni séra éng kimana' i mahpaayang pahpaan kumiit an tinotoz witu un ukum Torat.

Lukas 24:1

Woondopé' karengan witu un endo kataré in duminggu itii, séra mangé witi lelewengan nimahalima um pengingisu' wia sé nimatémo u niimek néramo.

Yohanes 19:25

Si ina' ni Yesus wo si wéwéné katuari ni ina' ni Yesus, si Maria mahayo ni Klopas wo si Maria tou Magdala é rimendai witu rété u salip ni Yesus.

Yohanes 19:31

Si Yesus i sinalip én endo mahsiwo-siwo i lumé'os un endo Sabat. Un endo Sabat in toro niitu én totoz wangko' pahpaan nimasepu'an karia un endo i lumé'os um Paskah né tou Yahudi. Sé tonaas né tou Yahudi é masimaru wia si Pilatus wo mahaléi wia ni sia i rumepu' an a'é né méisalip wo séra rewek i maté wo mekitumpa ni séra sé nimaté witu salip itii. Pahpaan sé tonaas né tou Yahudi é soo sa wéwéhan tou nimaté méisalip i ni séra lumé'os u Sabat.