Markus 12:1 - Taaz Weru Witu u Nunuwu'en Tombulu

¹ A si Yesus rengan i numuwu'ma wia sé tonaas né walian, sé tou tulap un Torat wo sé pahtutu'an karia un aandéan, kuan-Na, “Wéwéhan si tou nimukama un uma an tanemannama anggor an réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma. An ipekiwendunama un umana itii wia sé mememendu, a sia suméngkota.

Markus 12:1 Iomraidhean Croise

Matius 13:3

A Sia kumua an tutuzu' lakez karia un aandéan wia ni séra, kuan-Na, “Wéwéhan si mengengeroz makimeroz am watuna tatanemen.

Matius 21:28

“In tarékan, kura sa ikiit ni kamu un aandéan kenu: wéwéhan si ama' makaoki' sé tuama zua. I sana endo, sia nimangé wia si oki'na tu'a ang kumua in téntii, ‘Oki'ku, in endo kenu mangémo wo mapé' mendumé witi uma tinanemangku an anggor.’

Matius 21:33

“Talingana un aandéan walina kenu. Wéwéhan si makauma nimukama un uma an tanemannama anggor a réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma itii. An ipekiwendunama un umana itii wia sé mememendu, a sia suméngkota.

Matius 21:34

I lelezo mupu', an iatunama sé atana i mangé wia sé mememendu un uma itii i maméndo um wéténgna.

Matius 25:14

Ang kuan ni Yesus, “Ung Kakolanoan ni Opo Empung én tanu si tou masuméngkot witi wanua zou'ma. Puunala sia i mangé, sia timawahmé sé atana. An itarawésanama wia sé atana itii a sangkumna.

Markus 11:33

A séra mingkotla wia si Yesus, “Zéi'kan kata'uan nai!” Ang kuan ni Yesus wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun niana.”

Markus 13:34

Niitu é masuat wo si tou timula'u um waléna pahpaan i suméngkot witi zou'. Puunala sia i mangé, um paayangenna é méizéhonama wia sé atana i mahimek um waléna wo timuzu'la um paayangen wia si esa wo si esa. Ni sia kangkasii é nimeréntama sé mahtéiz um pepenet in tuméga-tégamla.

Markus 3:23

Si Yesus tumawahma ni séra, a numuwu'ma wia ni séra karia un aandéan, “Kura kahuman si tonaas né sétang toro moho si sétang?

Markus 4:2

Lakez an tutuzu' méipahtuzu'-Na wia ni séra karia un aandéan. Wana an tutuzu'-Na, ni Sia é mahkua in téntii,

Lukas 15:13

Woo pirana endo tumondongé, ipakawangkérla ni taweng péléng am wéténgna a sia mangé witi wanua né tou walina totoz zou'ma. Im wana ni sia é nimapaapumé an zoitna, wayaan ung kaseroian.

Lukas 19:12

Ang kuan ni Yesus, “Wéwéhan si suzu ni kolano mangé witi tana' zou'ma i mamototozen maéndo kolano witu un tana' itii. In tinotozola ing kolano a sia mawurimé sumaup.

Lukas 22:9

Ni séra zua meligau wia ni Sia, “Wisa ung kapaaz-Mu i maimekan nai?”

Lukas 8:10

Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.