Markus 10:2 - Taaz Weru Witu u Nunuwu'en Tombulu

² A sé woopira tou wia sé sana réwok tou Farisi méyé i mema'wa' si Yesus. Ni séra meligau wia ni Sia, “Mengiit an tinotoz witu um pa'émanenta, toro wé si tuama kimawéngo in tuma'sa si mahayona?”

Markus 10:2 Iomraidhean Croise

Matius 15:12

A sé pahtuzu'en-Na rumétéla wia si Yesus ang kumuala, “Zéi'kan kata'uan-Nu wé sa un até né sana réwok tou Farisi é rumara pahpaan u méikua-Muma itii?”

Matius 16:1

A méyé sé sana réwok tou Farisi wo Saduki wia si Yesus i mema'wa' ni Sia. Ni séra mahaléi wia ni Sia i mapa- ileké un toro tumuzu'mé wia ni séra, sa ni Sia én ulit wia si Opo Empung a méyé.

Matius 19:3

A méyé wia si Yesus sé woopira tou im wia sé sana réwok tou Farisi. Ni séra meligau i mema'wa' ni Sia, kuan néra, “Mengiit an tinotoz witu um pa'émanenta, toro wé si tuama kimawéngo in tuma'sala si mahayona karia apa uman ung kinawalian?”

Matius 22:35

Wéwéhan si esaané im wia ni séra, si tou tulap un Torat mema'wa' si Yesus. Ni sia é meligau,

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Markus 10:1

A si Yesus mangé witi tana' Yudea wo witi tana' leweta u so'so'an Yordan. Sé tou lakez kasii méyé rimimbung limiklik ni Sia. Wo tanu ung kanaramen, ni Sia é mahtuzu' ni séra.

Markus 10:3

A mingkotla si Yesus wia ni séra, “Apa u méiperénta ni Musa wia ni kamu?”

Markus 8:11

Tumondong niitu, a méyé sé woopira tou im wia sé sana réwok tou Farisi a mahzéi'-zéi'an karia ni Yesus. Ni séra é niméyé i mélumigau wia si Yesus i mapahsasala' ni Sia. Ni séra é mahaléi wia ni Sia i mangun u makakompo'en um witi kasendukan a méyé, i mema'wa' ni Sia.

Markus 8:15

A si Yesus mapagenangla wia ni séra, “Ni kamu én totoz in tuméga-tégam wo mile-ilek im wana a ragi né sana réwok tou Farisi wo ni kolano Herodes.”

Lukas 11:39

Taan kuan ni Tuang wia ni sia, “Ni kamu i sana réwok tou Farisi é mahweresi u liklikna am pengengelepan wo ang kakanan niou, taan um witu un untep un até niou ém wuta a léwo'an wo an zéi'kan wangun.

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Lukas 6:7

Sé tou tulap un Torat wo sé sana réwok tou Farisi é mena'u-na'u wia si Yesus sa sé tou wéwéhan saki é lé'osen-Na witu un endo Sabat, wo séra toro ikailekla ung kawalian i mapahsasala' ni Sia.

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Yohanes 11:47

A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta?

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 7:48

Wéwéhan wé si esaané im wia sé tonaas kaapa si esaané im wia sé sana réwok tou Farisi ma'éman ni Sia?

Yohanes 8:6

Ni séra kimua niitu i mema'wa' ni Sia, wo séra toro mapahsasala' ni Sia. Taan si Yesus nimongkot umanla a mantik witu un tana' karia un tutundu'-Na.

1 Korintus 10:9

Tia' kasii kita mahwa'wa' si Kristus, tanu am pinahwanguné né woopira sé wia ni séra im puuna. Taka-takazan, ni séra nimaté pahpaan ing kiniki né ulé'.