Markus 10:1 - Taaz Weru Witu u Nunuwu'en Tombulu

¹ A si Yesus mangé witi tana' Yudea wo witi tana' leweta u so'so'an Yordan. Sé tou lakez kasii méyé rimimbung limiklik ni Sia. Wo tanu ung kanaramen, ni Sia é mahtuzu' ni séra.

Markus 10:1 Iomraidhean Croise

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Markus 1:21

Si Yesus wo sé pahtuzu'en-Na é mémoikaayola witi Kapernaum. I méikaayomola witu un endo Sabat, si Yesus rengan i nimuntepa witu um walé peraragésan né tou Yahudi a mahtuzu' witu.

Markus 10:2

A sé woopira tou wia sé sana réwok tou Farisi méyé i mema'wa' si Yesus. Ni séra meligau wia ni Sia, “Mengiit an tinotoz witu um pa'émanenta, toro wé si tuama kimawéngo in tuma'sa si mahayona?”

Markus 12:35

I si Yesus karegas mahtuzu' witi lésaz um Walé ni Opo Empung, ni Sia éng kimua, “Kura sé tou tulap un Torat toro kumua i si Mesias é suzu ni Daud?

Markus 14:49

Sekez in endo ni Aku é mahkari-karia ni kamu i mahtuzu' witi lésaz um Walé ni Opo Empung wo ni Aku én zéi'kan pahtitionan niou. Taan u méipantik witu um Pinantik Lenas é léwo'zéi' malekep.”

Markus 2:13

A si Yesus mangé sumaup witi tembir u louz. Lakez sé tou niméyé wia ni Sia, a Sia mahtuzu' ni séra.

Markus 4:2

Lakez an tutuzu' méipahtuzu'-Na wia ni séra karia un aandéan. Wana an tutuzu'-Na, ni Sia é mahkua in téntii,

Markus 6:2

Im witu un endo Sabat, ni Sia rengan i mahtuzu' witi walé peraragésan né tou Yahudi. Lakez sé tou mengusi-ngusingsing in timalingama un ipahkua-Na. Ni séra é mahliligauan, “Wisa ang kata'uan-Namé an tutuzu' kenu? Katulapan apamokala am wia ni Sia kenu? Kura kahuman Sia toro mahwangun a makakompo'en téntu?

Markus 6:34

I simuwa'mola u londéi sinakéan néra, ilekena ni Yesus totoz lakez sé tou nimaréwok ma'ento' ni Sia. A mawiamé u raraatéan-Na wia ni séra pahpaan ni séra én tanumokan sé domba zéi'kan siapa si memimiara. A si Yesus rengan i mahtuzu' an tutuzu' lakez wia ni séra.

Markus 6:6

Ni Sia é mengusi-ngusingsing, kaa ni séra zéi'kan ma'éman. A si Yesus mangé mahliklik wana am wanua i mahtuzu'.

Yohanes 10:40

A si Yesus mangé witi leweta u so'so'an Yordan, witi tampa pahsaranian ni Yohanes im puuna, a Sia mento' witu.

Yohanes 11:7

Tumondong niitu Sia kimuala wia sé pahtuzu'en-Na, “Méyémo kita mawurimo sumaup witi Yudea.”

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.