Markus 1:41 - Taaz Weru Witu u Nunuwu'en Tombulu

⁴¹ A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.”

Markus 1:41 Iomraidhean Croise

Matius 9:36

I si Yesus nimileka sé tou lakez i mengii-ngiit uman ni Sia, a méyé u raraatéan-Na wia ni séra, pahpaan ni séra marawoio wo melinga-linganga tanumokan sé domba zéi'kan siapa si memimiara.

Markus 1:40

Si tou tinoro ung kusta niméyé wia si Yesus. Karia ing kimuruz witu u sinaru-Na si tou itii é mekitulung, kuana, “Sa Ko paaz, ni Ko én toro lumé'osé ni aku.”

Markus 1:42

In toro niitukan, ung kusta ni tou itii é nimazéi'moma a sia malé'osa.

Markus 4:39

A si Yesus rumendaié a rekaken-Nama u reges itii, wo kumuama witu u louz, “Menesla! Mento'mola!” A mento'la u reges wo u louz én totoz nimapenesa.

Markus 5:41

An tionala ni Yesus u lengen ni kooki' itii, a Sia numuwu'ma, “Talita kum” ung kalakoana, “É kooki', ikua-Kuma wia ni ko, tumoozomé!”

Markus 6:34

I simuwa'mola u londéi sinakéan néra, ilekena ni Yesus totoz lakez sé tou nimaréwok ma'ento' ni Sia. A mawiamé u raraatéan-Na wia ni séra pahpaan ni séra én tanumokan sé domba zéi'kan siapa si memimiara. A si Yesus rengan i mahtuzu' an tutuzu' lakez wia ni séra.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.